THOHLÓÍ SIBÁN CHA̍PGOE̍H CHHUT SINPÔAᴺ "I SIŌNG GÂU"
Tùi jîn-seng ê kam-khó͘, thàu-kòe thiaⁿ Troye Sivan ê koa hō͘ góa ū ióng-khì hiòng-chiân-kiâⁿ. Kiong-hí sin choan-chi̍p beh hòng-sàng ah!
Nn̄g-tang chêng ê 2023 9 goe̍h 20 Thoh-ló-í Si-bán (Troye Sivan) tī Iú-thū-bí (YouTube) kong-khai i ê lo̍k-iáⁿ-tòa 'Hō͘ Góa Khai-sí Beh...' (Got Me Started) kó͘-bú góa chi̍t hāng tāi-chì. 2026 8 goe̍h 14 i koh chhut 'I siōng gâu' (She's the Best), mā pàng siau-sit kóng sin choan-chi̍p kin-nî cha̍p goe̍h beh hòng-sàng.
Ná-teh cháu ê ōe-bīn kì tī sim lāi-té.
He's got the personality. Not even gravity could ever hold him down. He's got the sexuality of a man. Who can take a room and drown it out, yeah. – Troy Sivan
Im-ga̍k kap iá-phìⁿ sī tōa-la̍t tián-sī to-goân sèng-piat ê bûn-hòa. M̄-nā koa hó-thiaⁿ, tī Su-tāi gián-kiù-só͘ ê ha̍k-seng-liâu-á, ēng iMac khòaⁿ 4K ê iáⁿ-phìⁿ. Chin-chiàⁿ ū-kàu sóng, koh ēng SONY ê hīⁿ-ki WH-1000XM5 thiaⁿ. Káⁿ-ná hō͘ góa jīn-bat sím-mi̍h sī thiàⁿ-thàng, ū siūⁿ-beh kap lâng kóng chêng-ōe ê kám-kak.
She's the heartbeat bumpin' in my chest (Who is this?) – Troy Sivan
Tī hit-chun keng-le̍k jîn-seng thâu-pái ê chho͘-loân, sit-loân. Kàu taⁿ chóng-sǹg sió-khóa kiâⁿ chhut-lâi. Lâng kóng bô teh hîn ah! Sin choan-chi̍p ê chit-tiâu koa ho̍k-koa it-ti̍t chhiùⁿ: "hit-ūi ko͘-niû-á, hit-ūi ko͘-niû-á," (that girl, that girl) góa soah thiaⁿ-chòe "pàng hō͘ i cháu, pàng hō͘ i kiâⁿ." (let it go, let it go)
2026 8 goe̍h ah, jîn-seng ê āu chi̍t-ê kai-tōaⁿ mā ài tòe chit-hō sin-pôaⁿ kè-sio̍k kiâⁿ ah! To-siā i.
