BÚ'Á TŃGLÂI AH! MĀTÁᴺNAH SINPÔAᴺ "KÒPE̍K II"

IF YOU ARE A 🐃 FEEL FREE TO LISTEN TO ME READ IT.

0:00

/315.11333333333334

1×

Nā-kóng koa-iâu ōe kā lâng éng-hióng, Mā-táⁿ-nah (Madonna) tiāⁿ-tio̍h ū kái-piàn góa náu-kun ê sòaⁿ-lō͘. 7 goe̍h chhe 3, i ê tē 15 tiuⁿ khek-pôaⁿ "KÒ-PE̍K II" (CONFESSIONS II) tī choân-kiû hòng-sàng ah! Hoān-sè chin-chē chheng-liân tùi i bô kám-kak ah. M̄-kú góa sǹg-sī tòe i tōa-hàn bô-m̄-tio̍h.

Chū-sè-hàn goán pâ tō chiok-gâu kóng Eng-gí, te̍k-pia̍t sī i teh sái kheh-thêng-á sî. Kì-tî lāi, i lóng te̍k-pia̍t kah-ì kā se-iûⁿ-lâng tàu-saⁿ-kāng pò-lō͘. M̄-kú, i bē-hiáu siá, chheⁿ-mê-gû. I sī chi̍t-ē tùi Hoa-lông bô chhut-gia̍p, tī 90 nî-tāi tòe"HIÒNG-CHIÂN-KIÂᴺ" khì-kàu Tâi-pak ê hit-chióng gōng-lâng. Chóng-sī, i chū sè-hàn tō tī chhia-lāi pàng Mā-táⁿ-nah ê koa hō͘ góa thiaⁿ.

Ìn-siōng siōng-chhim ê, sī 2002 ê chhiùn-phìⁿ "THIÀᴺ-THÀNG Ê KHÙI-LA̍T" (The Power of Love), hit-sî A-pâ kian-chhî sái-chhia chài goa kap a-bú sì-kè khì choân Tâi-oân sô, bô-ài chē hóe-chhia. Lán hit-sî kiò chit-chióng kā bô-kâng lâng ê koa khǹg chò-hóe ê, hō-chò Tōa Pó͘-thiap. (Hoān-sè sī Tiong-gí) Chhia-téng, khǹg khek-pôaⁿ ê só͘-chāi tī í-á ē-bīn ā-sī chhia āu-táu (Under-seat car CD players), si̍t-chāi chiok bô lī-piān hoⁿh?

Goán pâ cháu ê sî, choan-chi̍p bô-khì. M̄-kú kheh-á iáu koh tī tû-á-téng. Góa tùi Yahoo! hoah-bē pio-tio̍h chit-tiûⁿ, ū chi̍t-tang sàng hō͘ thiàⁿ goán a-pah ê a-bú chò seⁿ-ji̍t lé-mi̍h. Sui-bóng kàu-táⁿ iáu m̄-chai i tùi che kám-ū kám-kak bô?

Madonna surprises Coachella by joining Sabrina Carpenter on stage

The Queen of Pop makes a guest appearance during the Espresso singer’s headline set.

BBC NewsAndre Rhoden-Paul

Kàu-taⁿ hoat-kiàn Suh-phó͘-thī-hoaih (Spotify) kèng-jiân ū siu! Pòaⁿ-mî-á thiaⁿ, chin-chiàⁿ chiok siàu-liām. Sè-hàn sî góa kap Pâ siāng-khoán, ē-hiáu chhiùⁿ, m̄-kú m̄-chai he koa-sû sím-mi̍h ì-sù. Chit-tiuⁿ lāi-té, siu Mā-táⁿ-nah ê khek hō-chò 'KIÂᴺ-LÉ.' (TAKE A BOW)

Tōa-hàn liáu, chhut siā-hōe chia̍h thâu-lō͘. Bat-ū chi̍t-ê khoeh, kài sang. Tī siōng-pan sî góa chò "thau-the̍h sin-súi ê chha̍t-á" tòe-tio̍h Bí-kok sî-kan khòaⁿ 2012 Mā-táⁿ-nah tī Bí-kok Kha-kiû "TŌA ÓAᴺ-KONG" ê piáu-ián. Chit-tiûⁿ thiaⁿ-kóng sī le̍k-sú siōng, khai siōng-chē chîⁿ ê chi̍t-pái "Téng-ē-tiûⁿ Hioh-khùn Piáu-ián." (HALFTIME SHOW) Heⁿh, hit-sî i chhut ê chhiùⁿ-phìⁿ hō-chò "KÒ-PE̍K," 2026 ê chit-má lán tán-tio̍h "KÒ-PE̍K II" ah!

Káⁿ-ná, chi̍t-kóa ta-po kah-ì ta-po ê lâng, in kám-kak i chun-kèng ê koa-chhiú m̄-sī Mā-táⁿ-nah, hoān-sè sī Gá-gah Hu-jîn (Lady gaga), Khai-lih Mí-noh (Kylie Minogue), Pu-lín-thoh-nih (Britney Spears), ā-sī Mā-táⁿ-nah kán-ná beh kā i ê sū-kang kau hō͘ āu-chi̍t-tāi ê Siat-bū-lí-nah (Sabrina).

Chóaⁿ-iūⁿ? Tī 2026 4 goe̍h 17, choân-bí ū miâ-siaⁿ ê im-ga̍k-cheh: Khō͘-chhí-lah (Coachella) tō-ū kā sî-tāi kau hō͘ āu chi̍t-ūi ê iáⁿ tī-teh.

Silence =Death! Song For World AIDS Day! – Madonna

Bóe-á, siūⁿ-beh pun ta̍k-ê chai, Mā-táⁿ-nah ê khek-pôaⁿ "KÒ-PE̍K II" khek-pôaⁿ ê siōng, tāi-piáu Bí-kok Sio̍k-gí: "LÍ NĀ BÔ CHHUT-SIAᴺ pêⁿ-pêⁿ tō-sī SÍ." (SILENT=DEATH) Hiān-chhú-sî 67 hè ê i, iáu-teh thè kài-chē jio̍k-sè hoah-siaⁿ, mā chiâⁿ-chò chi̍t-ūi ta-bó͘, hoán-khòng chit ê hō͘ ta-po͘-lâng khòng-chè ê siā-hōe. (Beh hip i it-seng ê kò͘-sū ê tiān-iáⁿ bô kong-si beh thè i chhut-chîⁿ).

Life is a mystery Everyone must stand alone. – Madonna

Nā beh kóng kun-tùi Chú liáu, góa kám-kak i ê "CHHIN-CHHIŪᴺ CHI̍T-Ê TEH KÎ-TÓ Ê LÂNG" (Like a Prayer) hō͘ góa thiaⁿ kah kài kám-tōng. Tùi 1989 hòng-sàng kàu taⁿ, tùi kàu-hōe-kài kā i phì-siùⁿ kàu chit-má chiâⁿ-chò keng-tián-khek. Che si̍t-chāi bô kán-tan. Ǹg-bāng āu-chi̍t-iân ê chí-mōe hiaⁿ-tī mā ē-tàng lâi liáu-kái i tī chhòng-chok kap siā-hōe éng-hióng ê kè-ta̍t, kap kòng-hiàn.

Mā kiong-hí Mā-táⁿ-nah ê "KÒ-PE̍K II" chhut chhiùⁿ-phìⁿ. AMEN.