"EUPHORIA" KAP Z SÈTĀI TEH CHHIAUCHHŌE SÌNGIÓNG Ê KOANHĒ

IF YOU ARE A 🐃 FEEL FREE TO LISTEN TO ME READ IT.

0:00

/252.864

1×

Kin-á-ji̍t 5 goe̍h 31 (Bí-kok sî-kan), Tiān-sī-kio̍k "euphoria" ngiâ-chih i ê siōng-bóe chi̍t-chi̍p, hō-miâ "In God We Trust" (Goán Sìn Siōng-tè). Chit-chhut hì teh kóng chia̍h-to̍k. Hiān-chhú-sî sī HBO MAX siōng-chē lâng khòaⁿ ê hì, tī X siōng-chē lâng thó-lūn ê chú-tê!

Euphoria teh kóng Bí-kok Ka-chiu ko-tiong ha̍k-seng-á chia̍h-to̍k, sio-phah, sèng-seng-oa̍h, chē-chē o͘-àm ê kò͘-sū. Hoān-sè kio̍k-pún siá kah ha̍h Z sè-tāi ê kháu-bī, ōe-bīn mā hip kah ū 90 nî-tāi (hiān-chhú-sî tng sî-kiâⁿ) ê khì-hun. Bāng-lō͘ téng tāi-ke lóng o-ló kah ē tak-chi̍h.

"khòaⁿ ah, chhì-phè hō͘ hé sio, chhì-phè iā bô to̍h-khì." – CHHUT-AI-KIP-KÌ III:2

Pún-chiâⁿ chit-chhut hoān-sè sī bô hoat-tō͘ the̍h chhut-lâi khǹg-sè ê. In-ūi siuⁿ-kòe pō͘-le̍k kap chân-jím. M̄-kú teh-kóng lâng ê io̍k-bōng ê hì, ná-ē hiông-hiông piàn-chò soan-kàu-phìⁿ? Tō bat-ū lâng tī Bí-kok siā-thoân Reddit án-ni mn̄g. Tio̍h, tē 3 kùi kap kiat-kio̍k, ū móa-móa ê Ki-tok goân-sò͘ chhàng tī lāi-té.

Tha̍k-keng chió-chió ê góa. Khòaⁿ-che hō͘ hóe sio ê chhiū-á, tō chaiⁿ teh kóng Mô-se ǹg-bāng kìⁿ Siōng-tè ê kò͘-sū. M̄-kú tú ū lâng kā iáⁿ-phìⁿ khǹg-kah X, Threads sî, góa sī chin chhù-bī khòaⁿ ē-kha lâu-ōe, hiah-chē se-iûⁿ-lâng mā kap góa sio-siāng, bô teh tha̍k-keng ê.

‘Euphoria’ Makeup Artist Donni Davy Brings Her Brand Half Magic Beauty to Life

Emmy-winning makeup artist Donni Davy is giving fans the chance to recreate some of her imaginative ‘Euphoria’ beauty looks thanks to her new brand, Half Magic

Grazia USAHannah Militano

Beh kóng euphoria (sóng kah beh sí), tō tāi-seng ài hō͘ ta̍k-ê chai, chit-chhut tī tē 2 kùi, kan-taⁿ tī Bí-kok tō bat-ū pêng-kun 1 chi̍p 16,300,000 lâng teh khòaⁿ. Sī HBO chit-tâi tē 2 chē lâng khòaⁿ ê. In ê koan-chiòng tāi-to-sò͘ sī tùi Z Sè-tāi (Gen Z) lâi-ê.

Sīm-chì in-ūi lāi-té siàu-liân-á se-chng ū-kàu te̍k-pia̍t, #euphoriamakeup chit-ê chú-tê tī TikTok bat chhiau-kòe 20 ek lâng khòaⁿ-kòe. 2022 tùi chit-chhut hì chhóng-li̍p se-chng pâi-chú "HALF MAGIC."

Data shows Gen Z believe in a higher power more than any other generation – Sky News

Chòe-kūn, bē-chió gián-kiù kap sin-bûn mûi-thé, sīm-chì ha̍k-su̍t-kài. Lóng teh hun-hióng, Z sè-tāi, chit-má ê siàu-liân-lâng. Pí téng chi̍t-iân ê ā-sī koh-khah tōa-ê lâng koh-khah su-iàu chong-kàu sìn-gióng. Góa kám-kak chit-ê chōng-hóng, m̄-nā tī Se-iûⁿ kok-ka. Tâi-oân mā-sī. Kin-nî Pe̍h-soa-tun-má Chìn-hiuⁿ chhiau-kòe 48 bān lâng pò-miâ. NYTimes, Bîn-sī, BBC lóng bat pò ná-ē jú-lâi-jú-chē siàu-liân-á chham-ka?

Góa ēng chit-chhut hì euphoria kap hiān-chhú-sî ê siā-hōe hiān-hóng saⁿ liân-kiat. In-ūi sū-si̍t tō tī lán ê gán-chêng. M̄-kú, Tâi-oân Ki-tok Tiúⁿ-ló Kàu-hōe kám-ū thàn chit-ê sî-kan-tiám lâi kiám-thó, kái-piàn, bīn-tùi sin sè-tāi ê ī-siōng (Tiong-gí) teh?

TKC (Tiúⁿ-ló Kàu-hōe Chheng-liân) lóng cháu-khí tá-lo̍h? (Tiong-gí iáⁿ-phìⁿ) Tng Se-iûⁿ gín-ná kiâⁿ tńg-khì kàu-hōe chò lé-pài. Lán Tâi-oân-lâng, Formosan ê āu chi̍t-tāi, kám-ū lâng kap in saⁿ-chò-hóe, jīn-bat tō-lí, óa-khò Siōng-tè teh! Euphoria hō͘ lán chaiⁿ, tō-ián, kio̍k-pún, tō teh siâⁿ Z sè-tāi ài bat tō-lí.

Impact (@impact) on Threads

angus cloud, who played fez on hbo’s “euphoria,” is dead at age 25. 💔🕊

Threads

Te̍k-pia̍t sī tī chit 8 tang ê sî-kan, lāi-té ū chi̍t-ê kak-sek Fez (Angus Cloud). Tō tī 2023 ta̍k-ê tng-teh siáu chit-chhut hì ê sî, chia̍h-to̍k kòe-óng ê. 25 hòe. 2026 tē 3 kùi ū bē-chió kiàⁿ-thâu, teh kā i kì-liām. Chit-chhut hì siōng-bóe ēng Amen chò siu-soah. M̄-chai si̍t-chè ê Z sè-tāi án-ná siūⁿ teh?