Sign in Subscribe

"LIÂNHA̍P SÈKÀI" Ê SÎTĀI

Lán kám ū hoatkián, chhinchhiūⁿ X (chìnchêng hōchò Twitter) ê bāngchām ná lâi ná chē? Chhinchhiūⁿ: Threads, Mastodon, Bluesky.

"LIÂNHA̍P SÈKÀI" Ê SÎTĀI
Lí kam chaiiáⁿ siáⁿmi̍h sī "Liânha̍p Sèkài".
audio-thumbnail
Listen to me read it in Tâigí (Taiwanese) if you’re a 青瞑牛 🐂
0:00
/216.3156462585034
⏭️
Tāiseng kā kiatlūn kóng hō͘ bêng: Chitmá ta̍k ê lóng teh chhòng katī ê Siākûn Mûithé, jîchhiáⁿ bôkâng ê mûithé koh ētàng sio thàng, lán chá tō íkeng ta̍hji̍p "Liânha̍p Sèkài" (Fediverse) ê sîtāi ah.

Lán kám ū hoatkián, chhinchhiūⁿ X (chìnchêng hōchò Twitter) ê bāngchām ná lâi ná chē? Chhinchhiūⁿ: Threads, Mastodon, Bluesky. Tio̍h, lán íkeng chi̍t ki kha ta̍h ji̍pkhì "Liânha̍p Sèkài" (Fediverse) ê sîtāi ah! Chia ê bāngchām hoānsè lóng ētàng sio thàng.

mastodon sī "chhiūⁿ", góa ê sèkài kap lí ê sèkài ū lō͘ thang thàng kàu ūi.

🪐 SIÁᴺMI̍H SĪ LIÂNHA̍P SÈKÀI?

  • Goânbûn hōchò "Fediverse"
  • In lóng sio̍k tī "Mastodon" ê hēthóng
  • Ta̍k ê lóng ēsái chhòng Katī ê "Twitter"
  • Lí ê "Twitter" mā ētàng kap patlâng ê "Twitter" sio thàng
  • Hoānsè liân Blog, Messager mā chò ē kàu (chhiūⁿ góa ê bāngchām tō ū)
What is Mastodon?
Welcome to the Mastodon documentation!
Dotcom-Monitor

Góa káisoat nā bôhó, ētàng khòaⁿ goânbûn.

Chit ê Mastodon ê hēthóng sī khaihòng ê (open-source), só͘í lí ētàng chhòng katī ê kesi (app), siatkè katī ê bāngchām, ēng katī ê gígiân, lâi khì khí chi̍t ê katī ê "Twitter". Siāngsî, koh bē kantaⁿ tiâu tī katī ê kho͘'á lāité, bián koh khì chhéng pa̍t ê bāngchām ê kháuchō, tō khòaⁿ ē tio̍h kehpiah hit ê kho͘'á lóng teh kóng siáⁿ. Mā ēsái chhi̍h chán, hunhióng, íniōng. Nā lí chitmá ū teh ēng Threads engkai ū hoatkiàn, ū ê lâng ū kā chit ê konglêng khui'khui.

Tio̍h, kîsi̍t chit ê sîtāi chá tō íkeng si̍thiān cha̍p tang ísiōng lo͘h. Chit kúi tang tòe Twitter chiāmchiām'á bô lângkheh liáu, Tâioân mā tùi kantaⁿ chi̍t ê pêⁿtâi khaisí chiâⁿchò chin chē sèsè ê kho͘'á ê kámkak. "LIÂNHA̍P SÈKÀI" chiū sī ánne pháng ê.

Ah! Anchoân ê būntê, ēsái chhòng katī ê sèkài, tongjiân mā ēsái khí piah, kā góakháu tòng'khílâi. Chhiūⁿ "Lêngsî Chènghú" ê g0v.social chhéng kháuchō tō ài símcha.

🌍 SÈKÀI

Tiatlêng (@tiatleng@mastodon.social)
10 Posts, 11 Following, 1 Follower · Hoaliânlâng khiā Táⁿkáu.
Mastodon

Hoangêng kah góa lâi sio chhōe.

Twitter chiâⁿchò X liáu, Tâioânlâng lóng cháu tálo̍h? Tûliáu putchí'á chē lâng sóa khì Threads lia̍hgōa, koh ū ēbīn nn̄g ê sèkài. Lí mā ēsái chhi̍h chia chhōe katī kahì ê sèkài.

  1. g0v.social
  2. matodon.social

📱 KESI

Ivory for Mastodon
A Mastodon app based on the award-winning Twitter app for iOS.
Tapbots, LLC.

"Liânha̍p Sèkài tō ēng Ivory chiūⁿbāng!" - Tiatlêng

Inūi mastodon sī khaihòng ê (kîsi̍t 2008 hitsî Twitter mā sī lah lo̍hbóe thànchîⁿ cháucheng khì.) Só͘í lí ēsái ēng katī sùsī ê kesi lâi chiūⁿsòaⁿ. Góa siōng ìài ê kongsi "Tapbots", tī kó͘chá sîtāi tō teh ēng in ê app siá Twitter. In mā chhòng "Ivory" hō͘ mastodon ê lângkheh lâi ēng. (ài khai chîⁿ)

  • mastodon (Windows, macOS, Android, iOS, iPadOS...)
  • Ivory (macOS, iOS, iPadOS)
  • Tusky (Android)

M̄chai góa ánne kám ū 100% líkái "Liânha̍p Sèkài" ê ìgī, hoānsè pí góa siūⁿ ê koh khah khoah mā bô tekkhak. Nā lí chaiiáⁿ góa bô kóng'tio̍h ê, hoangêng tī ēkha lâuōe, hunhióng hō͘ góa chaiⁿ.