HIKARU UTADA 'GÓA Ê ĀSĪ LÍ Ê'

Listen to me read it in Tâigí (Taiwanese) if you’re a 青瞑牛 🐂

0:00

/282.3531972789116

1×

Kinnî Saⁿgoe̍h chhejī, Ji̍tpún têbítê Ayataka (LêngEng) chhōe Hikaru Utada hip ê tiānsī kóngkò hòngsàng, chi̍t tiâu ábē kongkhai ê koa "Mine or Yours" thâuchi̍tpái hō͘ choân sèkài ê lâng thiaⁿtio̍h. Gō͘goe̍h chhejī, choânkhek chèngsek sì hun jīcha̍pjī bió tī Apple Music, Spotify téngténg ê só͘chāi kongkhai.

宇多田ヒカル　新曲「Mine or Yours」 5月2日(金)配信リリース決定 新アーティスト写真＆ジャケット写真も公開　配信予約キャンペーンも本日よりスタート

宇多田ヒカルの宇多田ヒカル　新曲「Mine or Yours」 5月2日(金)配信リリース決定 新アーティスト写真＆ジャケット写真も公開　配信予約キャンペーンも本日よりスタートに関する情報はこちらをご覧ください。

HIKARU UTADA OFFICIAL WEBSITE

This song has also been chosen as the commercial song for "Ayataka," for which Utada Hikaru is the ambassador for the second consecutive year, and the special video posted on YouTube in March has received many comments such as "I can't wait to hear the full version," and "I'm so happy I'll be able to hear a new song so soon," making this a song that has been a hot topic even before its release. – Hikaru Utada

Tī ēbīn chi̍t chhut tété ê ​tiāniáⁿ lāité, ū chhuthiān i teh thiⁿ koasû, kap chhòngchok ê ōebīn. Hoānsè māsī nn̄gpêng chòhóe ha̍pchok, hō͘siong līek. Ánne, kā chi̍ttiâu ūkàu līhāi ê koa siá chhutlâi. Koh siāngsî tī YouTube imga̍k pîntō "THE FIRST TAKE" chhiùⁿ hiāntiûⁿ ê pánpún. Kàu taⁿ chiah gō͘ kang nātiāⁿ, khòaⁿ ê lâng íkeng sī chit ê sò͘jī: 3,163,020, saⁿpá bān.

"Lí chia̍h lí ê kapi góa chia̍h góa ê têbítê, ta̍kpái lóng ánni." - Hikaru Utada

Chit khek hōchò "Góa ê āsī Lí ê," bênghián teh kóng nn̄g ê lâng sio ìài, nn̄g ê lâng tàutīn ê tāichì. (M̄koh tha̍k'khílâi kàisêng sī chi̍t ê lâng ê koantiám nātiāⁿ) M̄koán sùsī āsī bô sùsī, koasû ta̍ktōaⁿ ê siōngbóe lóng sī chi̍t kù: "Lí chia̍h lí ê kapi góa chia̍h góa ê têbítê, ta̍kpái lóng ánni." Ū'bô? Siūⁿbeh lim khòaⁿmāi siōngsin ê LêngÊng têbítê ah lah.

Góa katī tī chit chi̍ttang khaisí théhōe "thiàⁿ" (Love) sī siáⁿmi̍h. Chit phō koasû ētàng hō͘ góa sióngsiōng chinchē ōebin. Hoānsè lín mā ū ánni ê kámkak, chiah ē ū hiah chē lâng lâi kā chit khek chànsiaⁿ.

宇多田ヒカルさん新曲で夫婦別姓言及　「やるなぁ～」と辻元清美氏　「後押し感謝」の声も

シンガーソングライター、宇多田ヒカルさんの新曲が話題となっている。2日に配信を開始した「Mine or Yours」に選択的夫婦別姓制度がいつになれば導入され…

産経新聞：産経ニュース産経新聞

Só͘í, góa tō chiàu katī ê ìsù lâi e̍kchò Tâigí. Bānglō͘ téng íkeng chinchē lâng teh thólūn lāité ê mêkak kap siájī ê kanghu. Koh khansia̍p tio̍h chèngtī būntê, iā tō sī Ji̍tpún kàu taⁿ angábó͘ iáu bētàng hunkhui chiàu katī ê ìsù lâi kā sèⁿ hōmiâ. Ánná kóng, suibóng lâng teh mē, m̄koh chit ê sîtāi mē chiah ū sò͘jī, ū sò͘jī tō ū chîⁿ.

🎵 KOASÛ

Chahng ê góa chiâⁿ sitbōng katī
Koh cháucheng khì
Hō͘ lí lâu ba̍ksái

O̍h ēhiáu hóhóá chiàukò͘ katī chìnchêng
Siáⁿmi̍h tāichì mā lóng chò bē kàu

Tánteh siūⁿbeh chia̍h siáⁿ? Góa lâi chhōe chhanthiaⁿ
Lâng tngteh bô sóngkhoài chìnchêng tō seng lámnōa lah
Kám ū siūⁿbeh chia̍htê? Góa lâi hiâⁿ kúnchúi o͘h
Lí chia̍h lí ê kapi góa chia̍h góa ê têbítê, ta̍kpái lóng ánni.

Koattēng beh kiâⁿ chit tô͘,
Ta̍kpái lóng hiōhóe bô kiâⁿ ê hit tô͘.
Lóng íkeng Lēnghô kúinî ah tī chit ê kokka
Angábó͘ ê sèⁿ chiah okay ētàng hunkhui lâi hō

Liâng khì ah koh kā i ēng hō͘ sio chi̍t pái mā bôiàukín
Kámkak gāigio̍h mā sī chi̍tkhoán ê chubī

Suibóng siūⁿbeh kap lí kiâⁿ chi̍tsìlâng
M̄kú ta̍kkang lóng liâm chòhóe hoānsè mā chin thiám
Lí kám beh bé siáⁿ? Góa beh chhutmn̂g chi̍tchōa o͘h
Lí chia̍h lí ê kapi góa chia̍h góa ê têbítê, ta̍kpái lóng ánni.

I love making love to you
Bô liú hō͘ hó ê liúá
Chi̍tlia̍p chi̍tlia̍p kā i tháu'khui
Kiaⁿ māsī ē kiaⁿ

Nā chaiiáⁿ théhōe chūiû ê chubī
Tō bôhoattō͘ koh tòtńgkhì chi̍t chân tāichì
Ná ē lóng bô lâng kā góa kóng leh
Lí chia̍h lí ê kapi góa chia̍h góa ê têbítê, ta̍kpái lóng ánni

Ta̍k ê kám ū kahì thiaⁿ? Nā chhut khekpôaⁿ bô tiāⁿtio̍h góa ē siūⁿbeh bé neh. Ēhiáu thànchîⁿ koh thang līek chènglâng, Hikaru Utada si̍tchāi ūkàu gâu. Chiongkîbóe, tàuté sī Mine (góa ê) āsī Yours (lí ê), tī chit ê Blog in siá kóng: ū khólêng sī Ours (lán ê).