"CHIAPSÒA KOH CHIAPSÒA SIŌNGBÓE SǸG'KHÍLÂI TĒ JĪ PÁI Ê LOÂNÀI"

Listen to me read it in Tâigí (Taiwanese) if you’re a 青瞑牛 🐂

0:00

/328.3287074829932

1×

Nā beh kóng siōng kahì ê tiānsīkio̍k, Ji̍tpún ê, tio̍h koankun tō sī chit chhut "SIŌNGBÓE SǸG'KHÍLÂI TĒ JĪ PÁI Ê LOÂNÀI". Thâu chi̍t chi̍p tī 2012 Chiaⁿgoe̍h 12 hòngsàng, kàu taⁿ. Lán kèngjiân koh ēsái khòaⁿ tio̍h in koh hip sin ê hìkio̍k, kāngkhoán ê lâng, kòe cha̍p gōa tang, kèsio̍k kap tiānsī thâuchêng ê lán teh sukhó "JÎNSENG", chit khoán tāichì.

続・続・最後から二番目の恋 - フジテレビ

2025年4月スタート 毎週月曜よる9時放送。

フジテレビ

"M̄koán oa̍h kah kúi hòe ah, lán itti̍t lóng ē itti̍t thamloân bīlâi ánná kòe."

📺 KÒ͘SŪ

Kò͘sū chin kántan, tùi chi̍tūi 40 chhutthâu ê chúkoán, tiâu tī thâuke kap siàuliânlâng ê tiongng. I ê àichêng, iúchêng, kap kacho̍k, lóng chin pháiⁿthìthâu. Chūánni, bô sèjī tō bé chi̍t keng chhù, tùi Tokyo poaⁿ kah Kamakura. (Hia mā sī ū tiānchhia ētàng khì Tokyo siōngpan.) Soah tútio̍h pháiⁿ chhùpiⁿ, chi̍tkehóeá loānchhauchhau. Khaisí énghióng lāité múi chi̍t ê lâng ê jînseng hoattián.

Hìchhut ē chhuthiān chinchē lâng kap lâng teh khaikáng, gīlūn, tōasè hāng tāichì, ū ê tiōngiàu ū ê bô siáⁿ tiōngiàu. M̄kú, ē hō͘ lí siūⁿbeh chòhóe siūⁿ khòaⁿmāi, jînseng ê ìgī. Kòekhì, chitmá, kap bīlâi.

Góa tī 2012 khaisí siāngsî tòe chit chhut kàu taⁿ, mā kòe cha̍p gōa tang ah. Hitchūn iáu koh teh tha̍k tāiha̍k. Hittangchūn góa tùi góa ê kacho̍k'á, tùi kau pêngiú, sīmchì tâm loânài lóng chiâⁿ bô se̍kchhiú, mā bô hèngchhù. Kantaⁿ chò khangkhòe chit hāng, góa chin gâu.

Hoānsè ē tòe chit chhut, tō sī siūⁿbeh liáukái lâng kap lâng tàutīn tàuté sī seⁿ siáⁿkhoán. Inūi katī tōahàn ê kòetêng sǹg sī kap tāipō͘hūn ê lâng bô kâng. Tī "kîkoài" ê khìhun tongtiong bô sèjī tō chhut siāhōe, koh teh tha̍k tāiha̍k chiū khui kongsi. Siūⁿsiūⁿ'teh, bô tiāⁿtio̍h katī ài kàu COVID-19 liáu chiah ū khaisí chinchiàⁿ teh kòe LÂNG ê sengoa̍h.

60代バツなしおひとりさまの漫画家が『続・続・最後から二番目の恋』で泣いた理由（折原 みと）

2025年春ドラマが4月中にはほぼ出そろう。その中で11年ぶりの「シリーズもの」が注目されている。岡田恵和氏脚本、中井貴一さんと小泉今日子さんW主演のドラマ『続・続・最後から二番目の恋』（フジテレビ系月曜9時～）だ。4月14日にスタートし、ビリビリきたというのが、小泉今日子さん演じる千明とほぼ同世代の漫画家で小説家の折原みとさん。いったい何にビリビリきたのだろうか。

FRaU山口由美 サステナブルトラベル

😮‍💨 I Ê KÁMSIÓNG

1. Chiâⁿchò tōalâng m̄sī kóng tō chiok ióng chiok khiáu, siáⁿmi̍h tāichì lóng tio̍h. Tōalâng mā sī ē bôngbôngbiáubiáu, sitpāi, sīmchì tio̍hsiong.
2. Suijiân bôhoattō͘ chiok se̍kchhiú kap chiok ū chūsìn, lánlâng tō sī ē ta̍ktang koh ke thiam chi̍t hòe.
3. Lán kám m̄sī engkai ài hóhó'á chiapsiū chitmá ê katī, khoàilo̍k kòe ji̍tchí?

🔊 CHÚTÊKHIOK

"Lán tōahàn bat tāichì ah, m̄sī kóng siáⁿmi̍h tō lóng hósè hósè. Hoānsè lán tō sī ánne chiah ē itti̍t kiâⁿ, itti̍t kiâⁿ. Tio̍hsiong tiāⁿtio̍h m̄sī sîkan chiū thang i hō͘ hó, lán kám m̄sī inūi chhiò khah tōasiaⁿ leh chiah thang kā i khàm̀'kòe leh?"

Chit pái, sǹg sī tē saⁿ hēlia̍t (season 3) ah. Chútêkhiok sī ayumi hamasaki chhiùⁿ ê, góa tāikhài kā ho̍kkoa ê pō͘hūn e̍k tī chia. Kap hìchhut sī ū khanliân ê koasû. Tānsī góa khah kahì 'T Jī Lō͘ ' tē jī hēlia̍t ê chútê koa, mā pun lín thiaⁿ khòaⁿmāi.

Chóng'sī, chit chhut hì bētàng liampiⁿ káipiàn lí ê jînseng. M̄koh lāité tiāⁿtiāⁿ chhuthiān hitchiong, giâugî katī kòe ji̍tchí ê hongsek, sukhó ê lílō͘ ná ē kap in hia bô kâng? Téngchin tòe hì ê lâng koh ē chénglí lāité ê "Kimkù", kàsī ā sī kā lâng khésī ê tâisû.

M̄koán ánná, che kio̍kpún, iánoân, kap soanthoân íki̍p lângkheh ê hoánèng lóng chin i̍tchitbáng! Ū êng, iauchhiáⁿ lín tāike tùi siōng chá, 2012 ê thâu chi̍t chi̍p khaisí khòaⁿ. Góa katī sī íkeng khòaⁿ 3, 4 pái ah lah.