HŌ͘ I TĪLIÂU Ē CHHUTTĀICHÌ Ê SIĂNSÉᴺ "SHRINKiNG"
Tīliâusū thongsiông chhut chínsó͘ liáu bē kap lângkheh chihchiap, m̄koh chit chhut lāité ê chúkak Jimmy, i siūⁿbeh kap múi chi̍t ê lângkheh chò pêngiú.
Chêng chi̍tchāmá chia̍hàm lóng phòe chit chhut hì lâi khòaⁿ. Hoānsè sī beh pīpānsim, tī “Counseling,” (chi̍tchióng ēng chhamsiông ê hongsek ā khaikáng, bô hō͘ lâng chia̍h io̍há ê tīliâu) chìnchêng, liáukái tàuté chitchióng, lóng ánni kā lâng ipīⁿ ê.
The first two episodes of Shrinking Season 2 are now streaming. pic.twitter.com/3SlYhQgOam
— Apple TV (@AppleTV) October 22, 2024
"Kòe ji̍tchí, chhiò, koh sak chi̍t ē." - TV+
Púnchiâⁿ góa siūⁿkóng chit ê sû èngtong sī "sinking" kap "thinking" kap chòhóe ê ìsù. M̄koh gúgo͘h liáu chiah chaiⁿ, Bíkok siokgí "shrinks" tō tāipiáu "therapists" (gâu ēng chhamsiông kā lâng ipīⁿ ê lâng). "SHRINKiNG" koh ū ná lâi ná sè ê ìsù, I ê phiauchún jī "i" sī sèpúnjī, mā m̄chai ūihô tōsī.
Ji̍tgí ê kio̍kmiâ in kā e̍kchò "SHRINKiNG: Chin hō͘ lâng hoânló ê tīliâusū."
Kámkak bián khòaⁿ ìkò ti̍tchiap khòaⁿ hì khah hó.
KÒ͘SŪ
Chi̍t ê chínsó͘, saⁿ ūi iseng. (in kánná bē kiò katī iseng ê khoán, hoah siănséⁿ hoānsè khah thòtòng.) Thongsiông chò chittô͘ ê, kiâⁿchhut chínsó͘ liáu, siănséⁿ bē kā lâi khaikáng/chhamsiông ê lâng ū jīmhô koanhē. M̄koh kîtiong chi̍tūi siănséⁿ, i hōchò Jimmy, i tō siūⁿbeh kah lângkheh chò pêngiú, só͘pái, tō chhuttāichì ah!
Kòe bô kúi tang, Apple TV+ ê hì chē kah khòaⁿ bē liáu ah.
Jimmy is struggling to grieve the loss of his wife while being a dad, friend, and therapist. He decides to try a new approach with everyone in his path: infiltered, brutal honestly. Will it make things better–or unleash uproarious chaos? – Apple TV+
KÁMSIÓNG
Nā simkoaⁿthâu bô sóngkhoài ê lâng, chi̍t chióng, góa ittēng sak hō͘ lí khòaⁿ, inūi ēsái háu, ēsái chhiò. Ū chi̍tchi̍p sīmchì góa koh ài ū simlí chúnpī, tán teh, khimó͘chih ē tíntāng chiok tōa ê. M̄koh kháu liáu, khah sóng, sī sukhótek ê tháupàng, kap bahthé bô kâng ê sóngkhoài. Ah lēnggōa chi̍tchióng tō sī kiàngī mài khòaⁿ lah. Bô ke hō͘ katī kamkhó͘ nātiāⁿ.
Góa khòaⁿ kah tē jī kùi chi̍tpòaⁿ. Mā sī teh khòaⁿ in pēákiáⁿ ánná o̍h tàutīn. Tútio̍h hó ā bái chhùpiⁿ beh anchóaⁿiūⁿ. Chóngsī in hunlūi tī "Comedy drama" (khòaⁿ chhiòkhoe ê hì).
Nā ū beh khòaⁿ hì ê lâng tō mài thiaⁿ haⁿh.
Chit chhut ū tio̍hchióng, Bíkok Tiāniáⁿ Hia̍phōe "AFI AWARDS 2024", in kéng cha̍p chhut hó khòaⁿ ê hì, lán ê SHRINKiNG tō hō͘ lâng kéng tī lāité.
P.S. Ténglépài in koh chhut chi̍t chhut "DEAF PRESIDENT NOW!" mā chiok hó khòaⁿ, āupái chiah siāukài.