2024 OA̍TTHÂU KHÒAᴺ

Ū kôaⁿ ah! Kôaⁿ chiah ū nîbóe ê khìbī tio̍h bô? Kinnî siōng tōa ê sitpāi, tō sī bô kā seksū oânsêng, lūnbûn hō͘ lâng phoephêng kah mimimauhmauh. Suibóng chin bô bāng, m̄koh, kap góa ànsǹg tiàm Tâipak nn̄gtang ê kèe̍k bô piàn, chitmá lâng íkeng tī Táⁿkáu lâng kuichâng hóhó, ēkáng tō sī hō͘ lâng hòngsim ê hó só͘chāi.

Tāiseng ài oló katī koh ū oa̍h teh. Tō sǹg 2024 gŏanī'á pháiⁿ kòe, mā sī kā i kiâⁿ hō͘ soah. Siongtùi kòeóng, ū chinchē tāichì bô hoattō͘ oânsêng, chitmá bô siáⁿ tāichì bô chò liáu, tāichì chiāmchiām'á ná chió, m̄sī bô ǹgbāng, sī ná lâi ná chùsîn tī kúi hāng tāichì.

🥇 2024 SIŌNGSÓNG'Ê

Suibóng bô gōachē sîkan liān pàngkoa, m̄koh kinnî Hangbahcheh tī Kiô'á'thâu ê koatoaⁿ sǹg sī chin sūnlī, koh túhó Hoaⁿhí ū kā chit tōaⁿ kìlo̍k, iáⁿphìⁿ tī ēbīn ê bûnchiuⁿ lāité. Kántan nn̄gtiâu koa chiap'khílâi, tō chiok sóng ah neh.

M̄BAT KHÒAᴺ LÍ THIÀUBÚ

Bô sèjī, hangbah cheh koh kèsio̍k kap O͘màmà sìkè sô. Sô khì Tāmchúi, Gîlân, Kohiông. Chitpái, TÂIOÂNKOK TŌABÚTHIAᴺ mā ū chhuttīn, kámsiā ū kihōe hām ta̍k’ê chòhóe thiàubú, thiaⁿ koa, liānsi̍p pàngkoa. Mā sī ài hunhióng nn̄g tiûⁿ ê koatoaⁿ lah!

TiatlêngTiatlêng

🫣 KINNÎ Ê THÂU CHI̍T PÁI

• Tī Tōapiô͘ khòaⁿ Tâikǹg Hiôngeng
• Hoatpiáu Lūnbûn Kèe̍k
• Chhamka Kagī tǹgphiò chêng chi̍tmê
• Chhe 9 khòaⁿ Tâipaklâng Pàithiⁿkong

📝 KINNÎ O̍H Ê

1. Tha̍k "Lāigōakho" jīnbat sinkhu
2. Liān PioneerDJ pàngkoa
3. Kap gínná thongphoe
4. Ánná chiàukò͘ sītōa
5. Català / Español

🎯 SÊNGCHIŪKÁM

• Kah pêngiú Ji̍tpúnōe 1 tang
• Kóng Ji̍tpúnōe chhōa Tōatiūtiâⁿ kiâⁿtah
• Liânsòa 100 kang bô chia̍hchiú
• Bô hòngkhì khí GYM liān

🏘️ 2024 Ê KHIĀKE

• Kongkoán
• Bángkah
• Siongsan
• Saikah

💭 HOÁNCHHÍᴺ

• Kap pêngiú tàutīn/khaikáng siuⁿ chió
• Bú bô hósè, ēng sîkan bôkàu chò chiohkháu

⏳ ÁBĒ OÂNSÊNG Ê

• Lūnbûn
• Kô͘kô͘tîⁿ Kèe̍k
• Sin ê pângkeng ê anpâi

❤️ KINNÎ Ê KÁMSIĀ

Tosiā Siōngtè ê chhōaniá, kinnî kòe kah khíkhílo̍hlo̍h, kokchióng chêngsū lóng cháu tòtńglâi. Púnchiâⁿ khì Tâipak tō sī beh chò chi̍t ê kekhìlâng tha̍kchheh, bô siáⁿ kámchêng, chitmá khah chia̍p kap lâng tàutīn, chihchiap, ū chi̍t chióng kap siāhōe koh chi̍t kái liânkiat ê kámkak. 2025, ábē khaisí, tō ū kàichē sūkang thang chò. Thiauchiàn mā ná chē! M̄koh lán ài ū ǹgbāng kèsio̍k piàⁿ.