Tiuⁿ Chhitlông Pē'á'kiáⁿ ê Bōng
Inūi 1 chhiú Khehgí si, 2022 góa tō chio pêngiú tàutīn khí Hōnglîm chhamka 228 tuisu lépài, mā kàu Tiuⁿ Chhitlông ê bōng thâuchêng kā le̍ksú khòaⁿ hó bêng.
Ha̍khāu khòpún bô siá, tongjiân mā m̄chai Pe̍hsek Khióngpò͘ sîtāi tī Hoaliân hoatseng ê tāichì. Tìkàu 2020 liáu, tī Sêngtāi siōng Khehgí khò, siănséⁿ hunhióng Liû Fichṳ̂n (Lâu Hūichin) ê Khehgí si "Funglìm Mìnsàn", Tâigí ê ìsù sī "Hōnglîm Bêngsiân", ēbīn ê hunhióng ê 1 tōaⁿ "Liânsòa 6 ê chhèngsiaⁿ, bô tīteh ah", hō͘ góa ê ìnsiōng chin chhim, chiū ánni, 2022 ê 4 goe̍h, tō kàu Hōnglîm Kàuhōe chò lépài, tòe chènglâng tàutīn kàu bōng thâuchêng pàihóng.
Hâisúi tûngliù. Yùyù sṳ amya. Ngiûn m̂he̍t ke yânchhìn. Ngìn kóng ngài ke miang án ngang. Âpâ, âkô, âsuk. Liènsa. Liukha chhungsâng. Mô, Chhôi, Lè. -- Liû Fichṳ̂n "Funglìm Mìnsàn"
Hitsî mā ū tòe tī lépàitn̂g hiànsi ê Siangliân Thoânkheh chòhóe kiâⁿ, ta̍k ê lóng chin jia̍tchêng. In siōng hòⁿhiân ê: ná ē 2 ê siàuliânlâng ē siūⁿbeh liáukái chia ê le̍ksú? Bo̍ksu tō mn̄g kóng "kám sī ài chò kongkhò?" Góa èng: "Tongjiân m̄sī."
Hitchun, ū kàu Tiuⁿka ê chhù lāité, tō chē tī Chông Ngiu̍ksàn â'phò (Tiuⁿ Gio̍ksiân a'má) ê piⁿ'á, thiaⁿ I katī kóng 1947 hit àm hoatseng ê tāichì. Suijiân góa chin kutla̍t kóng Hakfa, m̄koh góa o̍h ê khiuⁿ kap Hōnglîm chia chha kài chōe. Koh hō͘ â'phò tòngchòe gōakokōe. Māsī chhùbī chhùbī lah hoⁿh. Kūnî bóe, â'phò tòtńgkhì thiankok ê chhù, koh hō͘ góa 1 pái kámsiū, ētàng kiànchèng le̍ksú ê lâng ná lâi ná chió. Tâioânlâng kám ē ū 1 kâng lán lóng bô iàukín sutongsî tāichì hoatseng ê kengkòe leh.