THA̍K ONEPIECE Ê GOÂNIN

Kūnî, tiānsī hòngsàng ê ONEPIECE poaⁿ kah siōng chhìkek ê só͘chāi. Sutongsî, góa sìkè kap lâng kóng chitmá sī ONEPIECE siōng hó ê sîki.

THA̍K ONEPIECE Ê GOÂNIN

Kūnî, tiānsī hòngsàng ê ONEPIECE (Háichha̍tÔng) poaⁿ kah siōng chhìkek ê só͘chāi, chi̍t ê hōchò WANO ê kokka ê siusoah. Sutongsî, góa sìkè kap lâng kóng chitmá sī ONEPIECE siōng hó ê sîki. M̄koh tiānsī kap bàngkah lóng chhiaukòe 1,000 chi̍p, nā beh hō͘lâng chū thâu khaisí khòaⁿ khaksi̍t m̄sī kài kántan ê tāichì.

Tō inūi ánni hiah thànchîⁿ ê ONEPIECE kūnî ū soanpō͘ kóng beh tùi tē 1 chi̍p têngthâu chò chi̍tpái tiānsī pán, ētàng ioh ē tio̍h siūⁿbeh giú chitmá Y2K ê siàuliân ji̍plâi.

Téng lépài hutjiân hòngsàng ê sin kò͘sū.

Tī kóng góa ūisiáⁿ beh tha̍k ONEPIECE chìnchêng, téng lépài in kóng tiānsī pán beh hioh pòaⁿtang, mā te̍kpia̍t chò chi̍t ê "FAN LETTER" ê chi̍t chi̍p sàng hō͘ koanchiòng.

Chit chi̍p ēng chhībîn ê kaktō͘ lâi khòaⁿ chúkak "Koele̍h'á Háichhat" chi̍ttīnlâng, hō͘ góa kámkak, góa tō chhinchhiūⁿ lāité ê kòelō͘lâng, tùi chúkak Luffy kap i ê chûngoân ū chinchē ǹgbāng kap sióngsiōng. Só͘pái tō lâi siá góa tha̍k ONEPIECE ê goânin.

Ta̍k lépài khòaⁿ "Chiukhan Siàuliân JUMP" tòe siōng sin chìntō͘.

KÁNTAN SIÀUKÀI ONEPIECE

Chit ê sèkài sī chiok chē tó lâi chiâⁿ ê. Beh lâióng tó kap tó tiongng, ū chi̍t tiâu háilō͘ hōchò "GRANDLINE" (úitāi ê háilō͘). Le̍ksúsiōng kantaⁿ Gol Roger (i tō sī Háichha̍tông) kap i ê chûngoân kā háilō͘ kiâⁿ liáu. I hō͘ Sèkài Chènghú lia̍h'khílâi beh hō͘ háikun thâi lângthâu chìnchêng, tùi tōa tiâⁿ ê lâng kóng: "Nā siūⁿbeh tī góa ê kimgîn châipó, góa lóng khǹg tī hia ah!" Chūánne, choân sèkài ê lâng lóng siáu beh chò háichha̍t khí chhōe pó. Luffy, lán ê chúkak mā tōahàn tō chhuthái chò háichha̍t, sìkè chhōe chûngoân, bō͘hiám.

ONEPIECE lāité chiok tiōngiàu "PONEGLYPH", chènghú kìmchí ê bûnjī.

In tûliáu beh kā GRANDLINE kiâⁿliáu, lāité ū chi̍t ê chûngoân mā teh chhiauchhōe "PONEGLYPH" (le̍ksú púnbûn) chit chióng bô lâng bat ê bûnjī, chìnchêng ēhiáu tha̍k chit chióng jī ê lâng lóng hō͘ Sèkài Chènghú thâi hō͘ sí ah.

Ētàng ū chîⁿ têng ōe chi̍tpái tiānsī hòngsàng khólêng mā chí ū ONEPIECE ah.

Tī ONEPIECE ê sèkài, chhuthiān ê lâng chin chē. Múi chi̍t ê lâng lóng ū i ūihô kináji̍t ē piànchò chit khoán "Hólâng" ā "Pháiⁿlâng" ê goânin kap i kòeóng tōahàn ê khoânkéng. Ū sî ōaⁿ chi̍t chia̍h chûn, ōaⁿ chò chènghú ê kaktō͘, chi̍t ê siānliông ê lâng bô tiāⁿtio̍h ē hō͘ lâng tòngchò sī siáulâng.

Hoānsè lán lóng ū hoattō͘ tī lāité chhōe tio̍h kap katī kòsèng siosiāng ê kaksek. Góa siūⁿ che mā sī ONEPIECE m̄nā tī Ji̍tpún, Áchiu liûhêng. Enggí, Segí, koh ū Arabic kho͘'á ê koanchiong, mā kài chē.

THA̍K ONEPIECE Ê GOÂNIN

  1. Khòaⁿ bô kâng lâng in ê itseng sī ánná kiâⁿ kàu chia ê
  2. Jīnbat ūihô in ê soánte̍k chò chi̍t ê hólâng ā pháiⁿlâng
  3. Chhiauchhōe tńglâi góa ê chêngsū: hoaⁿhí, khàu, siūkhì...
  4. Chènglâng ánnóa kap pa̍tlâng tàutīn, cho͘chit ánná pháng
  5. Lâng kap Siāhōe ê koanliân
  6. Lánlâng itseng tàuté teh tuikiû siáⁿ
  7. Khòaⁿ bôkâng bûnhòa ê lâng tùi siáⁿ ū siáⁿ hoánèng (YouTuber chhiauchhōe : ONEPIECE Reaction)
ONEPIECEを読むメリット〝5選!!〟|ふく@サラリーマンからの起業術
こんにちは。 ふくです。 毎日ONEPIECEから学ぶことが投稿している私が ONEPIECEを読むべき理由を説明します! なぜONEPIECEを読んだ方が良いのか? 今や日本を代表する少年マンガ〝ONEPIECE〟 読んだことがなくてもONEPIECEのことを知らない人はあまりいないと思います。 また、最近は読んでいないけど、 昔は読んでた!という人も多いです。 ちなみに私は、 毎週少年ジャンプを電子版で定期購読しており、 日曜日の24時に月曜日に日付が変わったすぐに 最新話を読んでいます! 毎週日曜日の夜の楽しみです。 それでは、ONEPIECEを読むことのメリッ

Bānglō͘ ū lâng kóng ONEPIECE ēsái o̍h "ánná káikoat jînseng ê hoânló"

Góa tī Elbaph tó kap lín siotán!

Chóngkóng chi̍tkù tō sī ài khòaⁿ, ONEPIECE ê tho̍kchiá lóng ē kóng: "Góa tī XXX tó chia tán lí!" Bàngkah íkeng 1,130 chi̍p, tiānsī 1,122 chi̍p. Chin ǹgbāng íāu góa ū kihōe ētàng kā i e̍k chò Tâioânōe.