Si̍tchāi chiâⁿ hèng chia̍hchiú, chêng chām'á kámkak sinthé koàikoài, tō siūⁿkóng lâi kái khòaⁿmāi hó ah. "Káichiú sī bînáchài ê tāichì" sī chiúkúi ê sio̍kgí, góa mā tùi katī hoah kài chē piàn ā. Chóng'sī chit pái, ta̍tsêng chi̍t kò goe̍h ê kìlo̍k. Siūⁿbeh kìlo̍k siókhóa'á kámsióng.
Tha̍k Sêngtāi sî, chin bô kahì tī Io̍klo̍kke a̍hsī ha̍khāu hùkīn chia̍h mi̍hkiāⁿ, sīmchì koh kā chia̍h tàu chia̍h àm ê sîkan thêchá chi̍t tiámcheng, ánne tō ēsái pībián pâitūi. Ū chi̍t pái tō hō͘ góa ìgōa chhōetio̍h bô sáⁿ lâng ê tiàm "Siótanghn̂g".
Kūnî hiohjoa̍h chiaptio̍h Tâibûnkoán ê sìnsit, kóng kám ū chhùbī beh lâi hōaⁿ 2023 ê iâⁿtūi. Heⁿh, tō sī liāmkoa iâⁿtūi, kūnî sī tī Tâitiong pān ê. Engkai sī kūnî chhúpān ê kàusiū tng bô êng, khiok hō͘ góa ū kihōe lâi hōaⁿ.
Tòahàn liáu, ta̍knî Gō͘goe̍hcheh khòaⁿ lâng tī bānglō͘ téng iaupáchhá, tō bô siáⁿmih khùila̍t kah lâng siochiⁿ khah ài chia̍h tó chi̍t chióng chàng. Tongjiân che sī ū goanin ê, inūi goán tau ū lâng khui bahchàng tàⁿ. Góa khólêng ài koh cha̍ptang ê sîkan chiah siūⁿbeh chia̍h chàng.
"Lán kám ēsái mài kóng chèngtī?" Chinchōe Tâioânlâng teh tōahàn ê kòetêng, putsî ē tútio̍h hitchióng nā lán kóng tio̍h chèngtī, chèngtī jînbu̍t, siāhōe būntê, le̍ksú sūkiāⁿ, tō kóaⁿkín kā ōetê tòng khílâi, ài lán mài thólūn chèngtī ê lâng.
