JI̍PHŌE AH! KIĀNSIN KANGCHHIÚᴺ
Kîsi̍t Saⁿgoe̍h chhe káu góa chá chiū ji̍phōe ah lah, m̄koh kàu Sìgoe̍h tiong góa chiah ū ji̍pkhì ūntōng. Liânsòa nn̄g lépài chiàukhíkang àn kèe̍k liān, chò ūntōng. Kámkak Kiānsin Kangchhiúⁿ chiaⁿsi̍t bēbái neh.
Kîsi̍t Saⁿgoe̍h chhe káu góa chá chiū ji̍phōe ah lah, m̄koh kàu Sìgoe̍h tiong góa chiah ū ji̍pkhì ūntōng. Liânsòa nn̄g lépài chiàukhíkang àn kèe̍k liān, chò ūntōng. Kámkak Kiānsin Kangchhiúⁿ chiaⁿsi̍t bēbái neh.
👏 HÓCHHÙ CHĒ CHĒ
- chhengkhìsiùⁿ, polê chhit kah ū kàu súi
- kèsiàu sio̍k koh bē kā lâng sáilāng
- gâu siochiohmn̄g, m̄koh bē sak khò kiò lí luhkhah
- ta̍k ê lóng chin jīnchin teh liān
- in ê kikhì kap chhiúki'á kesi (app) bēbái ēng
Iáu koh ēkìtit góa siá Pe̍hōejī kap in iok beh khòaⁿmāi lāité seⁿ siáⁿkhoán. Kehtńgkang in tō khà tiānōe lâi chihchiap, kóng: bînáchài to͘ha̍p kám hósè? Góa èng kóng: "Hăⁿ? Bînáchài Jījīpat neh!" Chóngsī Saⁿgoe̍h chheh it tō chhiam'lo̍hkhì, chi̍tūi Tōanâpo͘ lâng lâi kā góa ho̍kbū. Lán koh siókhóa'á káng'tio̍h in hia ê chngthâu kám ū beh hō͘ chènghú sóaūi ê tāichì. I chiâⁿ hò͘hiân ná ē ū lâng chai chitchióng tāichì. Chhímthâu i kîsi̍t siāukài katī sī Ângmn̂gkáng ê, m̄koh góa koh kèsio̍k mn̄g hia ê tóūi, i kámkak, Tōanâpo͘ chithō tēhōmiâ chin pháiⁿ káisoat.
Hó, góa ánni chi̍tkògoe̍h NT$888, sin ji̍phōe ê, ài koh la̍p ji̍phōe ê, chhiúsio̍k ê siàu. I bat hō͘ góa nn̄gchióng soánhāng, góa kéng ê, sī pàiit kàu pàigō͘ epo͘ gō͘tiám kàu káutiám, koh ū pàila̍k lépài epo͘ chi̍ttiám kàu gō͘tiám bēsái ji̍pkhì ê hitchióng. Khah kankhiáu teh, tī hānchè ê sîkan chìnchêng ji̍pkhì kèsio̍k tiàm tī lāité mā bôiàukín. Góa khah koànsì thàuchá chengsîn tō khì liān lah!
Púnchiâⁿ siūⁿbeh kóng World Gym bái tī tóūi, siūⁿsiūⁿ teh, iāsī chúntúsoah. Góa chhiau iPhone ê la̍hji̍t, góa 2022 Chhitgoe̍h 21 jînseng thâu chi̍tpái kaji̍p kiānsinpâng (Gym). Hitsî tī Húsiâⁿ tha̍kchheh, tòa Tâilâm Konghn̂g chiàⁿ tùibīn. Ta̍kkang lóng ē khì cháu, ūntōng chiâⁿ līpiān. Ū chi̍tkang si̍tchāi siuⁿ joa̍h, siūⁿbeh chhoe léngkhì liān cháu. Tō ánni bô tāiseng khòaⁿ bānglō͘ ta̍k ê ánná thólūn, chiū chhiam ah, koh hō͘ in sak chhitbān kho͘ ê kàuliān khò. Hiámá luh'lo̍hkhì, hókachài góa ū kianchhî SAY NO. Kîthaⁿ kîsi̍t koh ū chiok chē báitāi, ēsái kā góa mn̄g.
Life Fitness LLC
iPhone ê pánpún, mā ēsái kap Apple Health chiap chòhóe hunhióng chuliāu.
🏋️ Gymmaxxing
Chêng kúiji̍t tī Threads téng khòaⁿtio̍h chi̍tphiⁿ Tiongbûn siá ê tāichì, inūi bô liáukái. Māsī ū mn̄g ChatGPT che kám ūiáⁿ lah? I kóng sī, ū giánkiù ê chèngbêng, sǹg sī sūsi̍t. Góa e̍k koh káisiá hō͘ ta̍k ê khòaⁿmāi leh.
Lánlâng 'tāisiā' (tō sī kā khipsiu ê mi̍hkiāⁿ choánōaⁿ chò pa̍tmi̍h ê cho̍kiōng) tùi 20 kàu 60 hòe lóng kāngkhoán. M̄koh, lán ná ē kòe 30 íāu kámkak ná lâi ná bô hoattō͘ kiámpûi, chia̍hchúi mā ē pûi, tóūi koh sngthiàⁿ. Tiāⁿtio̍h m̄sī nîhòe, sī inūi chiâⁿchē lâng 30 hòe khaisí bô siáⁿ teh tíntāng, chiāmchiām'á bô kinbah, kinbah jú chió, tō jú kín khah lāu. Nā ū kàugia̍h ê kinbah, chiū sī ûichhî lí ê chhengchhun. Liān, sī tùi sinkhu ê tâuchu.
Ánni, chitmá ê lí, kám siūⁿbeh khaisí tâuchu ah?
Nā beh chhōe kóng Tâioânōe ê ho̍kbū jînoân, ētáng khà hō͘ Samto Chhiúⁿ ê Tân sióchiá (Lynn C.), in ê tiānōe kúi hoan? (07)338-8800.
P.S. Thiaⁿkóng Engbûn sèkài teh liûhêng -maxxing, ìsù sī chiok siáu ê, Gymmaxxing tō sī chiok siáu Gym ê.