7 Ê 2024 Ū TEH THIAᴺ Ê PODCAST
Góa bô thiaⁿ Podcast ê koànsì. M̄nā bô tòe tio̍h COVID-19 āu ê liûhêng, tī iPod, iTunes sîtāi mā bô siáⁿ kahì chitchióng mi̍hkiāⁿ. Cháchêng hoānsè sī kámkak thiaⁿ khongtiong hòngsàng khah ū kámkak, chitmá sī ài ū êng chiah thang thiaⁿ, inūi góa bô hoattō͘ ná chò tāichì ná thiaⁿ.
M̄koh inūi se̍ksāi ê lâng chiāmchiām'á teh lo̍k katī ê Podcast, tēngkî hòngsàng, chūánne, góa tō ētàng anpâi tī chia̍hpn̄g a̍hsī khì GYM liān sinthé ê sî lâi siuthiaⁿ, ū siókhóa chhanchhiūⁿ cháchêng ē khì khòaⁿ pa̍tlâng ê Blog siosiāng, thiaⁿ ê lóng sī bat ê lâng ê tāichì, bē te̍kpia̍t khì chhiau chheⁿhūn ê Podcast chiatbo̍k lâi thiaⁿ.
Suibóng chiah 10 goe̍h nātiāⁿ, m̄koh góa ê sim m̄nā bô tīteh Tâipak ah, kui'ê lâng íkeng tīteh khèngchiok Iâso͘Seⁿ ah neh. Tō lâi hunhióng kúi ê góa ū teh thiaⁿ ê chiatbo̍k hó ah.
I. BāngTiong ê Chêngōe
Tī Firstory hòngsàng, m̄koh Apple, Google, Spotify, KKBox lóng thiaⁿ ē tio̍h.
Ta̍k lépài lóng ū chi̍tchi̍p. Chin hoaⁿhí kinnî ētàng kā chúchhîjîn kóng: "Ah chit lépài tō bô ah o͘h?" Lōeiông tō sī chāi in sóng teh kóng. Nā ū chhùbī ē-sái thiaⁿ 170 chi̍p teh kóng "LÁNLÂNG Ê SIATKÈ TÔ͘." 180 kàu 184 sī "THIᴺKNG" liânsòa teh káng loânài ê kò͘sū.
II. KAMIDE RYOHEI NY Chiauthāi Kìlo̍k
Ētàng phīⁿ ē tio̍h Niúiok khìbī ê tiāntâi.
2023 kàu 2024, góa teh kah pêngiú Ji̍tgí. Ūitio̍h chhoân kàuchâi, péng tio̍h chit ê TBS Lajío͘h ê chiatbo̍k. Kanna Tâioân chinchē lâng m̄bat, Ji̍tpún ê tiāntâi hòngsàng bûnhòa chiâⁿ chhèng, m̄koh háigōa lóng thiaⁿ bē tio̍h. Tiantò inūi chit kúinî Podcast tng sîkiâⁿ pek Ji̍tpúnlâng khaisí kā lo̍kim khǹg kàu bānglō͘ hō͘ ta̍k'ê thang thiaⁿ ah.
Chit ê tiāntâi sī chi̍t ūi tī tiānsītâi chò chèchok ê Ji̍tpúnlâng, poaⁿ kah Niúiok liáuāu lo̍k ê chiatbo̍k. Chi̍t chi̍p tō chia̍h chi̍t hāng chhài. M̄sī tī chhù nih lo̍k, sī ná chē chhia ná kiâⁿlō͘, iântô͘ se̍hse̍hliām teh kóng ūihô beh chia̍h chi̍t tō chhài ê goânin. Só͘pái kîsi̍t ū siókhóa ASMR ê khoán. Lí thiaⁿ ē tio̍h lō͘ nih ê lâng kā i chio beh hip Tiktok a̍hsī tī chhanthiaⁿ chùbûn sî kap tiàmoân ê tùiōe. Tō kámkak lí teh tòe i oa̍h tī teh Bíkok suh Bíkok khongkhì ánni.
Te̍kpia̍t kahì 1/31 hòngsàng ê "Bobampe", i kanna hō͘ chi̍t ê o͘lâng kóng bô chia̍h kòe Bobampe bô sǹg liáukái New York ê khoán. Kàu chitmá iáu m̄káⁿ Google seⁿ siáⁿ khoán, siūⁿbeh ū chi̍tkâng khì hia ti̍tchiap chia̍h.
III. Háiti Khaikáng Keng
M̄chai ūisiáⁿmi̍h, 7 goe̍h té tō bô koh kèsio̍k hòngsàng ah. Hoâigî che sī siōngkhò kau ê chokgia̍p. Tio̍h, mā sī se̍ksāilâng, chìnchêng ê tôngo̍h chò ê chiatbo̍k. Koh ū hō͘ i hoathiān góa ū teh thiaⁿ. Góa kahì thiaⁿ bôkâng sètāi, bôkâng kho͘'á ê lâng ê siūⁿhoat. Háiti tō sī chi̍t ê. Sūsi̍t sī, koh chinchiàⁿ ū chi̍tchi̍p góa oânchoân m̄chai i teh kóng siáⁿ.
IV. Loânloân Chanbûnkhe
Kîsi̍t che mā sī tiāntâi lo̍kim chò Podcast. Inūi liânsòa 2 tang lóng bô kihōe khì in ê iâⁿtūi liān lo̍kim, tō ēng thiaⁿ ê. Inūi lāité ū chinchē se̍ksāilâng ê siaⁿ, ū chi̍t kái phahkhui thiaⁿ tio̍h, tō kámkak chiok kamsim ê. M̄koh mā hō͘ góa hoathiān, góa thâukhak phû bē chhutlâi i seⁿ siáⁿkhoán. Tio̍h, chiok kú bô kìⁿbīn. Phínchit ū kàu hó, múi chi̍t chi̍p lóng hó thiaⁿ, mā sī íchêng tiāⁿtiāⁿ tha̍k ê bûnha̍k chokphín.
V. Tokyo Highway
Inūi sī Apple Podcast, ū chinchē koachhiú ê hóngtâm hoānsè ài ū la̍pchîⁿ Apple Music chiah thiaⁿ ē tio̍h. Hoâiⁿti̍t mā sī chiok choangia̍p ê chúchhîjîn, tiāⁿ-tiāⁿ hòngsàng Ji̍tpún siōng sin ê imga̍k.
Sī kóng, suibóng Podcast chhèng khílâi mā beh 5 tang ah, kui ê sèkài ê Podcast sángia̍p kap pêⁿtâi iáu koh bô tùi itpoaⁿlâng tī chiatbo̍k tiong súiōng imga̍k ū chi̍t ê kiànpún, kap ha̍plí ê èngiōng khoânhān, chinchiàⁿ bô chhùbī.
Kahì 2/10 hòngsàng ê "Fashion & Music", thiaⁿ Ji̍tpún pâi'á fashion runway lóng hòngsàng siáⁿmi̍h koa.
VI. Tn̂g Khachhng ê Lo̍kkáng Sengoa̍h
Nā beh thiaⁿ Lo̍kkáng chāitē ê siausit chit ê Podcast ū teh káng hia ê tāichì. Nîbóe mā koh beh khì chhitthô ah! Chúchhîjîn kám beh hiāntiûⁿ lâi chò chi̍t chi̍p teh?
VII. O͘MÀMÀ
Chi̍t nî chi̍t chi̍p ê Podcast, hoâiⁿti̍t tō sī seng sak chiah kóng. Cháchêng ê bô thiaⁿ kòe, mā ēsái tńgkhì chhiau chhutlâi thiaⁿ.
