Ūsî Chhiⁿkng Ūsî Goe̍hkng
Jînseng bô hitlō éngoán sūnsī, a̍hsī tiāⁿtiāⁿ soebóe ê tāichì, ū tangsî'á lí ē khiā tiàm tâi'á' téng, ū tangsî'á tio̍h kù tiàm hìpêⁿ kha.
Kotiong sî, chin kahì ê ga̍kthoân "HongLāiPang" tī chêng kúi nî koh chhut sinkoa, tī Kohiông thiaⁿ'tio̍h "Hái" chit chhiú, kámkak koasû lāité "Ūsî chhiⁿkng, ū sî goe̍hkng" chin kù chiâⁿ súi, āu'lâi tī ha̍khāu khòaⁿ Ji̍tpún sîtāi ê bûnchiuⁿ mā iáⁿ'tio̍h kāngkhóaⁿ ê kù, goânlâi, sī Tâioân sio̍kgí.
Siu tī 2021 ê choanchi̍p "Demo Páiⁿ".
Jînseng bô hitlō éngoán sūnsī, a̍hsī tiāⁿtiāⁿ soebóe ê tāichì, ū tangsî'á lí ē khiā tiàm tâi'á' téng, ū tangsî'á tio̍h kù tiàm hìpêⁿ kha, m̄thang lia̍hchún lí khām 1 pái kasàu, tō kiohsī éngoán leh tâng lûikong. - "Tâioân Sio̍kgí Kiâmsngtiⁿ"
Chòekūn teh giánkiùsó͘ nih pòkò "Tâioân Ōebûn", hiônghiông siūⁿ khílâi, íchêng tī Tāiha̍k ū tha̍k kòe bûnchiuⁿ lāité ū chit kù, tō koh ho̍ksi̍p 1 pái i ê ìsù, kèngjiân tú hó sī Koeh Chhiuseng siá ê. Góa pòkò ê sī khòaⁿkheng Tâioânōe ê Tiuⁿ Ngó͘kun ê lūnsu̍t, nā tùi 1920s, 1930s, Tâioânlâng teh thólūn Hànjī súiōng ū hèngchhù ê, ēsái khòaⁿ in 2 lâng bôkâng ê ìkiàn, ū ê khòaⁿhoat, koh énghióng kàu taⁿ.
Mā chhuichiàn 2 phiⁿ lūnbûn:
- "Giânbûn bô ittì ê khítiám, tênglūn Tiuⁿ Ngó͘kun Sinbûnha̍k Ūntōng ê Ìgī"
- "Koeh Chhiuseng tī 'Lâmim' lāi-té ê Tâioânōebûn Si̍tchiān kap Khùnkéng tùi Hiāntāi Tâi-gí Kàuio̍k ê Khésī "