ŪIHÔ TĀIKE LÓNG TEH KĀ ÀISUH (ICE) PHÌSIÙᴺ?

IF YOU ARE A 🐃 FEEL FREE TO LISTEN TO ME READ IT.

0:00

/223.536

1×

Thâu-chi̍t-pái chai-iáⁿ ÀI-SUH (ICE, U.S. Immigration and Customs Enforcement) sī tùi HBO ê hì "The Pitt" iáⁿ-tio̍h ê. Tī kip-chín-sek bô chò sím-mi̍h pháiⁿ-tāi ê hō͘-lí-sū hō͘ ÀI-SUH lia̍h-khì. In tàu-té sī siáⁿ-lâng? FBI? NYPD? Bū-sà-sà.

Āu-lâi, tī Instagram khòaⁿ chi̍t-ê Sîn-hū khiā tī Kàu-tn̂g mn̂g-kha-kháu. Tōa-siaⁿ kā ÀI-SUH mē, kā in kóaⁿ cháu. Kè-sio̍k poeh chhiú-ki-á. Hoat-kiàn ū kài-chē án-ni ê phìⁿ. Chhiūⁿ chhan-thiaⁿ, chiú-pa, ha̍k-hāu, ā-sī kî-thaⁿ só͘-chāi. Lóng-ū chit-chióng 15 bió ōe-bīn. Lóng-sī teh kā ÀI-SUH mē-ê. Lín cháu! Goán chia bô hoan-gêng lín.

Soah kám-kak koài-koài. Ná-ū khó-lêng? Jî-chhiáⁿ kám-kak sió-khóa m̄-sī chin-ê ê kám-kak. Heⁿh, tú-chiah téng chi̍t-tōaⁿ ê iáⁿ-phìⁿ tō-sī ké-ê. Kài-chē kài-sêng lóng m̄-sī chin ê iáⁿ-phìⁿ. Sī ke-khì-lâng (A.I.) chò ê. M̄-kú kám chin-chiàⁿ ū lâng án-ni kā ÀI-SUH mē? Tong-jiân mā-ū. Chhiūⁿ ē-bīn Niú-iok Iû-pò pò ê. Lán tō chai-bat, Bí-kok kong-bîn tng-teh bē-sóng ÀI-SUH.

ÀI-SUH SĪ SIÁᴺ-LÂNG?

Ài-suh tāi-piáu î-bîn kap hái-koan ê chhú-lí tan-ūi. In ē-sái thàu-kòe î-bîn kui-tēng, lâi kā lâng tòe, lia̍h khí-lâi koaiⁿ, ā-sī kā bē-sái tiàm Bí-kok ê lâng sàng tò-tńg-khì in ê kok-ka. In mā ài tiau-cha Bí-kok piⁿ-a ê kok-ka hit-tàⁿ ê lâng. Nā-ū lâng tàu-saⁿ-kāng teh kā lâng sàng-khì Bí-kok, tō ài khì lia̍h.

Chóng-sī Bí-kok chòe-kūn teh kín-kín sok-pa̍k î-bîn. Koh ún-chún in ē-tàng ji̍p-khì ha̍k-hāu kap kàu-hōe. Che sī í-chêng in m̄-bat chò ê. Só͘-í, kìⁿ-nā ū lâng khòaⁿ-tio̍h chhēng ÀI-SUH ê saⁿ ê, ā-sī chhin-chhiūⁿ Ài-suh ê lâng. (In thong-siông lóng ē pak chi̍t-tiâu bīn-kin kā bīn khàm khí-lâi, kiaⁿ lâng chaiⁿ.) Lóng ē chiok siūⁿ-khì, kā in kóaⁿ-cháu. In-ūi tāi-ke khòaⁿ-tio̍h in tō kiaⁿ. Bí-kok sī î-bîn kok-ka.

Hoān-sè in koh thiau-kang ài-chhōe khòaⁿ-khí-lâi seⁿ-sêng La-teng Bí-chiu ê lâng.

‘The Pitt’ shows ICE in an emergency room. Here’s how it’s played out in real life

The latest episode of Season 2 of ‘The Pitt’ shows ICE agents at the ER, dramatizing what has happened at hospitals across the country, including in California.

Los Angeles TimesFollow

Tī Bí-kok, lán bô Kok-ong lah.

Ài-suh bô-tāi-bô-chì tō teh kā lâng chhâ sin-hūn. Koh m̄-sī tōa-lâng nā-tiāⁿ. Chiàⁿ-goe̍h, chi̍t-ê 5 hòe ê gín-ná Liam Conejo Ramos kap i ê a-pah hō͘ in lia̍h. Sin-bûn pò chiok tōa ê. Ū chin-chē î-bîn tī kéng-chhat-kio̍k gōa hoah "kā goán ê chū-iû hêng-lâi" (Libertad).

Masked secret police terrorizing our communities. An illegal, catastrophic war putting us in danger and driving up our costs. – No Kings

Chiàⁿ-goe̍h tī kok-tē ū kúi-chheng lâng chiūⁿ ke-á-lō͘ khòng-gī, hō-chò "Choân-kok Tōa Hioh-kang" (The National Shutdown), 50 chiu, 300 oa̍h-tōng, 1,000+ ê thoân-thé chham-ka. Saⁿ-goe̍h té, koh lâi chi̍t-pái choân-kok kok-tē ê iû-hêng hō-chò "Bô Kok-ông" (No Kings) ê oa̍h-tōng.

Bīn-tùi bī-lâi, Bí-kok kám-ē ná-lâi-ná bô hō͘ lâng siūⁿ-beh khì? Tâi-oân mā-sī chi̍t-ê î-bîn kok-ka. Lán koh-ū chē-chē tē-hā thâu-ke teh chò seng-lí. Lán ê î-bîn chèng-chhek beh án-ná pháng? Chiah bē hō͘ án-ni kam-khó͘ ê tāi-chì lâi hoat-seng teh?