> ## Content Index
> Fetch the complete content index at: https://tiatleng.to/llms.txt
> Use this file to discover other available public pages before exploring further.

# TÙI PE̍HNIHTOH Ê TIĀNIÁᴺ TITTIO̍H TŌA THÁUPÀNG
- URL: https://tiatleng.to/tui-peh-nih-toh-e-tian-ian-tit-tioh-toa-thau-pang/
- Published: 2026-03-17T07:58:37.000Z
- Updated: 2026-04-05T06:31:21.000Z
- Description: Benito (Bad Bunny) hō͘ góa khòaⁿ-kìⁿ Siōng-tè. Thâu-chi̍t-pái beh siá bûn kap chí-mōe hiaⁿ-tī hun-hióng góa tùi hia thiaⁿ-kìⁿ sím-mi̍h!
- Author: TIATLÊNG
- Tags: HÌCHHUT, BÍCHIU, KOA, PE̍HŌEJĪ

![audio-thumbnail](https://storage.ghost.io/c/f0/bd/f0bd98f0-b936-4488-bda5-c3bef0e5f14f/content/media/2026/03/Recording-141_thumb.jpeg)

IF YOU ARE A 🐃 FEEL FREE TO LISTEN TO ME READ IT.

0:00

/154.368

1×

Téng-kò-goe̍h, Pe̍h-nih-toh (Benito) tī Bí-kok Kha-kiû Pí-sài (NFL) ê [Tiong-tiûⁿ Piáu-ián](https://www.youtube.com/watch?v=G6FuWd4wNd8&ref=tiatleng.to) (HALFTIME SHOW), hō͘ góa ū chin-chē ê khé-sī. Mā-sī thâu-chi̍t-pái beh siá bûn kap chí-mōe hiaⁿ-tī hun-hióng góa tùi Siōng-tè hia thiaⁿ-kìⁿ sím-mi̍h! I m̄-nā hō͘ góa khioh tò-tńg-lâi sìn-sim. Koh pun hō͘ góa khùi-la̍t tâu-kó. 

[BAD BUNNY TUI NGÀITÊU YÛ MAKKE YINGI?Mí-koet Halftime Show tui ngài-teû yû mak-ke ying-i? Khon Fái Thu-é ke peú-yên, ngài sióng ke he ngài-teû ke chú-siên, ngài-teû khiung-yong pûn-ngìn chhṳ̍t-mìn ke li̍t-sṳ́, lâu Formosan ke vi-lòi.![](https://storage.ghost.io/c/f0/bd/f0bd98f0-b936-4488-bda5-c3bef0e5f14f/content/images/icon/cefc454012fbc0f02a4fbd4678fc524d-2.jpeg)TIATLÊNGTIATLÊNG![](https://storage.ghost.io/c/f0/bd/f0bd98f0-b936-4488-bda5-c3bef0e5f14f/content/images/thumbnail/z2jnx1id1rty7lby2mlo.jpeg)](https://tiatleng.to/bad-bunny-fai-thu-e-tui-ngai-teu-yu-mak-ke-yi-ngi/)

T.L.K.H. kám-sī beh kā Kheh-gí Pe̍h-ōe-jī tàn-sak ah?

> Heⁿh! Tán, tō tio̍h.

Tâu-kó soah bô lâng beh tī. Chhun *T.O.K.H.K.P* kā góa ìn kóng 4 goe̍h ē ìn tī pò-nih. Kàu hit-sî, to͘-ha̍p tō bô tú-hó ah! Sî-kan, tùi chò mûi-thé ê lâi-kóng chin iàu-kín. Kiám m̄-sī? M̄-kú S.T. ài góa tō ûn-ûn-á tán, mài chhiong-pōng.

Chia̍h-lāu ê góa tī Tâi-oân kám ē-tàng hiah-nī hoaⁿ-hí?

Chit chi̍t-kò-goe̍h kú, góa tiāⁿ-tiāⁿ kám-kak bô hō͘ lâng chiap-la̍p. "Chiap-la̍p" chit sû tī kàu-hōe lāi, ē ta̍k-put-sî thiaⁿ-tio̍h ê. Ài '*jīn-tông só͘-ū ê chū-bîn*' mā siá tī "SÌN-GIÓNG KÒ-PE̍K" lāi-té. Hoān-sè sī bô sè-jī, bē-kì-tit kì kóng: 'jīn-tông só͘-ū ê bûn-jī' chiah-ē hoat-tián chò chit-má án-ni ê chōng-hóng.

Tio̍h, góa tâu-kó tú-tio̍h chē-chē būn-tê.

'DtMF' tī HALFTIME SHOW sī i siōng-bóe chi̍t-tiâu chhiùⁿ ê.

Ko͘ Lô-má-jī ê kó, lán kàu-hōe lāi chí-mōe hiaⁿ-tī bô phah-sǹg "Chiap-la̍p" án-ni. Tō it-tēng ài-ū Hàn-jī siāng-sî chûn-chāi. Lán nā bē-hiáu ā-sī khah hân-bān siá Hàn-jī ê, tō bô ki-hōe kap lâng hun-hióng kiâⁿ tī Ki-tok chit-tiâu-lō͘ ê kò͘-sū ah. Kám sī án-ni? Eng-kai m̄-sī lah. Chóng-sī *góa sim só͘-goàn.*

Hit-hō tiān-iáⁿ tō kap chit-khek ū tōa-tōa koan-liân o͘h.

Chit-hō bô-lâng beh tī, ut-chut ê sim-chêng. S.T. pun hō͘ góa tùi Benito (Bad Bunny) ê tiān-iáⁿ "DeBÍ TiRAR MáS FOToS" (Nā SuToNGSî Ū Ke HIp kÓa SIòNGPhìⁿ TōHÓ Ah) tit-tio̍h tháu-pàng. Chit-ê tiān-iáⁿ 13 hun nā-tiāⁿ, lán m̄-bián bat Espanõl (Se-pan-ngâ-ōe), mā khòaⁿ ū-bat.

Lâng bô beh tī, lán mā-sī ē-sái kè-sio̍k kiâⁿ. Hoaⁿ-hí kiâⁿ. Góa liáu-kái ah.

P.S. O̍h Se-gí nn̄g-tang ah, to-siā Siōng-tè hō͘ góa koh-ū phīⁿ-ē-tio̍h bī-lâi ē liû-hêng sím-mi̍h ê lêng-le̍k. Che sī góa chò phian-chi̍p cha̍p-gōa-tang ài ū ê kang-hu. Pún-chiâⁿ góa kám-kak góa í-keng sit-khì chit-hāng kî-khá ah.