HÌCHHUT

TÙI BENITO Ê TIĀNIÁᴺ TITTIO̍H TŌA THÁUPÀNG

Benito (Bad Bunny) hō͘ góa khòaⁿ-kìⁿ Siōng-tè. Thâu-chi̍t-pái beh siá bûn kap chí-mōe hiaⁿ-tī hun-hióng góa tùi hia thiaⁿ-kìⁿ sím-mi̍h!

TIATLÊNG

TIATLÊNG

— 3 min read
TÙI BENITO Ê TIĀNIÁᴺ TITTIO̍H TŌA THÁUPÀNG
Jī-káu-mê chái-sî-á lâi se̍h Gio̍k-sîn kap Bo̍k-koe-soaⁿ.
audio-thumbnail
IF YOU ARE A 青盲牛 🐃 FEEL FREE TO LISTEN TO ME READ IT.
0:00
/154.368

Téng-kò-goe̍h, Pe̍h-nih-toh (Benito) tī Bí-kok Kha-kiû Pí-sài (NFL) ê Tiong-tiûⁿ Piáu-ián (HALFTIME SHOW), hō͘ góa ū chin-chē ê khé-sī. Mā-sī thâu-chi̍t-pái beh siá bûn kap chí-mōe hiaⁿ-tī hun-hióng góa tùi Siōng-tè hia thiaⁿ-kìⁿ sím-mi̍h! I m̄-nā hō͘ góa khioh tò-tńg-lâi sìn-sim. Koh pun hō͘ góa khùi-la̍t tâu-kó.

BAD BUNNY TUI NGÀITÊU YÛ MAKKE YINGI?
Mí-koet Halftime Show tui ngài-teû yû mak-ke ying-i? Khon Fái Thu-é ke peú-yên, ngài sióng ke he ngài-teû ke chú-siên, ngài-teû khiung-yong pûn-ngìn chhṳ̍t-mìn ke li̍t-sṳ́, lâu Formosan ke vi-lòi.
TIATLÊNGTIATLÊNG

T.L.K.H. kám-sī beh kā Kheh-gí Pe̍h-ōe-jī tàn-sak ah?

Heⁿh! Tán, tō tio̍h.

Tâu-kó soah bô lâng beh tī. Chhun T.O.K.H.K.P kā góa ìn kóng 4 goe̍h ē ìn tī pò-nih. Kàu hit-sî, to͘-ha̍p tō bô tú-hó ah! Sî-kan, tùi chò mûi-thé ê lâi-kóng chin iàu-kín. Kiám m̄-sī? M̄-kú S.T. ài góa tō ûn-ûn-á tán, mài chhiong-pōng.

Chia̍h-lāu ê góa tī Tâi-oân kám ē-tàng hiah-nī hoaⁿ-hí?

Chit chi̍t-kò-goe̍h kú, góa tiāⁿ-tiāⁿ kám-kak bô hō͘ lâng chiap-la̍p. "Chiap-la̍p" chit sû tī kàu-hōe lāi, ē ta̍k-put-sî thiaⁿ-tio̍h ê. Ài 'jīn-tông só͘-ū ê chū-bîn' mā siá tī "SÌN-GIÓNG KÒ-PE̍K" lāi-té. Hoān-sè sī bô sè-jī, bē-kì-tit kì kóng: 'jīn-tông só͘-ū ê bûn-jī' chiah-ē hoat-tián chò chit-má án-ni ê chōng-hóng.

Tio̍h, góa tâu-kó tú-tio̍h chē-chē būn-tê.

'DtMF' tī HALFTIME SHOW sī i siōng-bóe chi̍t-tiâu chhiùⁿ ê.

Ko͘ Lô-má-jī ê kó, lán kàu-hōe lāi chí-mōe hiaⁿ-tī bô phah-sǹg "Chiap-la̍p" án-ni. Tō it-tēng ài-ū Hàn-jī siāng-sî chûn-chāi. Lán nā bē-hiáu ā-sī khah hân-bān siá Hàn-jī ê, tō bô ki-hōe kap lâng hun-hióng kiâⁿ tī Ki-tok chit-tiâu-lō͘ ê kò͘-sū ah. Kám sī án-ni? Eng-kai m̄-sī lah. Chóng-sī góa sim só͘-goàn.

Hit-hō tiān-iáⁿ tō kap chit-khek ū tōa-tōa koan-liân o͘h.

Chit-hō bô-lâng beh tī, ut-chut ê sim-chêng. S.T. pun hō͘ góa tùi Benito (Bad Bunny) ê tiān-iáⁿ "DeBÍ TiRAR MáS FOToS" (Nā SuToNGSî Ū Ke HIp kÓa SIòNGPhìⁿ TōHÓ Ah) tit-tio̍h tháu-pàng. Chit-ê tiān-iáⁿ 13 hun nā-tiāⁿ, lán m̄-bián bat Espanõl (Se-pan-ngâ-ōe), mā khòaⁿ ū-bat.

Lâng bô beh tī, lán mā-sī ē-sái kè-sio̍k kiâⁿ. Hoaⁿ-hí kiâⁿ. Góa liáu-kái ah.

P.S. O̍h Se-gí nn̄g-tang ah, to-siā Siōng-tè hō͘ góa koh-ū phīⁿ-ē-tio̍h bī-lâi ē liû-hêng sím-mi̍h ê lêng-le̍k. Che sī góa chò phian-chi̍p cha̍p-gōa-tang ài ū ê kang-hu. Pún-chiâⁿ góa kám-kak góa í-keng sit-khì chit-hāng kî-khá ah.

Read more