> ## Content Index
> Fetch the complete content index at: https://tiatleng.to/llms.txt
> Use this file to discover other available public pages before exploring further.

# TIUᴺ CHHITLÔNG PĒÁKIÁᴺ Ê BŌNG
- URL: https://tiatleng.to/tiun-chhit-long-pe-a-kian-e-bong/
- Published: 2023-05-11T12:02:47.000Z
- Updated: 2026-04-04T06:31:23.000Z
- Description: Inūi 1 chhiú Khehgí si, 2022 góa tō chio pêngiú tàutīn khí Hōnglîm chhamka 228 tuisu lépài, mā kàu Tiuⁿ Chhitlông ê bōng thâuchêng kā le̍ksú khòaⁿ hó bêng.
- Author: TIATLÊNG
- Tags: HOALIÂN, PE̍HŌEJĪ, CHHITTHÔ

![audio-thumbnail](https://storage.ghost.io/c/f0/bd/f0bd98f0-b936-4488-bda5-c3bef0e5f14f/content/media/2026/04/2026-04-04--12-36_thumb.jpeg)

IF YOU ARE A 🐃 FEEL FREE TO LISTEN TO ME READ IT.

0:00

/146.976

1×

Ha̍khāu khòpún bô siá, tongjiân mā m̄chai Pe̍hsek Khióngpò͘ sîtāi tī Hoaliân hoatseng ê tāichì. Tìkàu 2020 liáu, tī Sêngtāi siōng Khehgí khò, Sinseⁿ hunhióng Liû Fichṳ̂n (Lâu Hūichin) ê Khehgí si "Funglìm Mìnsàn", Tâigí ê ìsù sī "Hōnglîm Bêngsiân".

![](https://storage.ghost.io/c/f0/bd/f0bd98f0-b936-4488-bda5-c3bef0e5f14f/content/images/2026/04/2022-02-27-15.01.34.jpg)

![](https://storage.ghost.io/c/f0/bd/f0bd98f0-b936-4488-bda5-c3bef0e5f14f/content/images/2026/04/2022-02-27-14.43.57.jpg)

![](https://storage.ghost.io/c/f0/bd/f0bd98f0-b936-4488-bda5-c3bef0e5f14f/content/images/2026/04/2022-02-27-12.53.25.jpg)

7-ELEVEn tō-sī chá-chêng in-tau ê pīⁿ-īⁿ.

Ēbīn ê hunhióng ê 1 tōaⁿ "Liânsòa 6 ê chhèngsiaⁿ, bô tīteh ah", hō͘ góa ê ìnsiōng chin chhim.

![](https://storage.ghost.io/c/f0/bd/f0bd98f0-b936-4488-bda5-c3bef0e5f14f/content/images/2026/04/489008968_18392406580108954_7266652731202016739_n.jpg)

PHOTO © TÂI-OÂN KÀU-HŌE KONG-PÒ

Chiū ánni, 2022 ê 4 goe̍h, góa chio pêngiú chòhóe chē hóechhia khì Hōnglîm Kàuhōe [chò lépài](https://www.facebook.com/107084007439824/photos/pb.100077130033423.-2207520000./508310250650529/?type=3). Tòe chènglâng tàutīn kàu Chông Chhitlòng (Tiuⁿ Chhitlông) pēákiáⁿ ê bōng thâuchêng kā i kìliām.

> Hâisúi tûngliù. Yùyù sṳ amya. Ngiûn m̂he̍t ke yânchhìn. Ngìn kóng ngài ke miang án ngang. Âpâ, âkô, âsuk. Liènsa. Liukha chhungsâng. Mô, Chhôi, Lè. – Liû Fichṳ̂n "[Funglìm Mìnsàn](https://twml.nmtl.gov.tw/archive?uid=19&ref=tiatleng.to)" 

![](https://storage.ghost.io/c/f0/bd/f0bd98f0-b936-4488-bda5-c3bef0e5f14f/content/images/2026/04/IMG_7916_VSCO.jpeg)

Âphò yêuchhiáng ngàitêu hi kì ke vukhâ.

Hitsî mā ū tòe tī lépàitn̂g hiànsi ê Siangliân Thoânkheh chòhóe kiâⁿ. Ta̍k ê lóng chin jia̍tchêng. In siōng hòⁿhiân ê: ná ē nn̄g ê siàuliânlâng ē siūⁿbeh liáukái chia ê le̍ksú? Bo̍ksu tō mn̄g kóng "kám sī ài chò kongkhò?" Góa èng: "Tongjiân m̄ sī."

![](https://storage.ghost.io/c/f0/bd/f0bd98f0-b936-4488-bda5-c3bef0e5f14f/content/images/2026/04/2022-02-27-14.56.25.jpg)

Bēchió lâng ēlâi Hōnglîm kàuhōe chia tuisu.

Hitchun, ū kàu Tiuⁿka ê chhù lāité, tō chē tī Chông Ngiu̍ksàn â'phò (Tiuⁿ Gio̍ksiân a'má) ê piⁿ'á, thiaⁿ I katī kóng 1947 4 goe̍h chhe 4 hit mî hoatseng ê tāichì. Suijiân góa chin kutla̍t kóng Hakfa, m̄kú góa o̍h ê Bilongōe kap Hōnglîm chia chha kài chōe. Koh hō͘ â'phò tòngchòe gōakokōe. Mā sī chhùbī chhùbī lah hoⁿh.

Tāi-pō͘-hūn sī kóng Hak-fa ê.

Kūnî bóe, â'phò [tòtńgkhì thiankok ê chhù](https://news.ltn.com.tw/news/life/breakingnews/4169030?ref=tiatleng.to), koh hō͘ góa chi̍tpái kámsiū. Ētàng kiànchèng le̍ksú ê lâng ná lâi ná chió. Tâioânlâng kám ē ū chi̍tkâng, lán lóng bô iàukín sutongsî tāichì hoatseng ê kengkòe leh!