> ## Content Index
> Fetch the complete content index at: https://tiatleng.to/llms.txt
> Use this file to discover other available public pages before exploring further.

# THOHLÓÍ SIBÁN CHA̍PGOE̍H CHHUT SINPÔAᴺ "I SIŌNG GÂU"
- URL: https://tiatleng.to/thoh-loi-si-ban-chap-goeh-chhut-sin-poa-i-siong-gau/
- Published: 2026-08-17T13:03:57.000Z
- Updated: 2026-08-17T13:41:46.000Z
- Description: Tùi jîn-seng ê kam-khó͘, thàu-kòe thiaⁿ Troye Sivan ê koa hō͘ góa ū ióng-khì hiòng-chiân-kiâⁿ. Kiong-hí sin choan-chi̍p beh hòng-sàng ah!
- Author: TIATLÊNG
- Tags: BÍKOK, KOA

Nn̄g-tang chêng ê 2023 9 goe̍h 20 Thoh-ló-í Si-bán (Troye Sivan) tī Iú-thū-bí (YouTube) kong-khai i ê lo̍k-iáⁿ-tòa '[Hō͘ Góa Khai-sí Beh...](https://www.youtube.com/watch?v=WjLcVqjIkLo&ref=tiatleng.to)' (Got Me Started) kó͘-bú góa chi̍t hāng tāi-chì. 2026 8 goe̍h 14 i koh chhut '[I siōng gâu](https://www.youtube.com/watch?v=mFA1P8ZzoLw&ref=tiatleng.to)' (She's the Best), mā pàng siau-sit kóng [sin choan-chi̍p](https://au.rollingstone.com/music/music-news/troye-sivan-announces-new-album-shes-the-best-99803/?ref=tiatleng.to) kin-nî cha̍p goe̍h beh hòng-sàng.

Ná-teh cháu ê ōe-bīn kì tī sim lāi-té.

> He's got the personality. Not even gravity could ever hold him down. He's got the sexuality of a man. Who can take a room and drown it out, yeah. – Troy Sivan

Im-ga̍k kap iá-phìⁿ sī tōa-la̍t tián-sī to-goân sèng-piat ê bûn-hòa. M̄-nā koa hó-thiaⁿ, tī Su-tāi gián-kiù-só͘ ê ha̍k-seng-liâu-á, ēng [iMac](https://www.apple.com/jp/shop/buy-mac/imac?ref=tiatleng.to) khòaⁿ 4K ê iáⁿ-phìⁿ. Chin-chiàⁿ ū-kàu sóng, koh ēng SONY ê hīⁿ-ki [WH-1000XM5](https://www.sony.jp/headphone/products/WH-1000XM5/?srsltid=AfmBOoqlDOwRuwZUqmkapDDDbiTWe0vcPiN3LzHVNX0KFYtNmbgz%5FGJo&ref=tiatleng.to) thiaⁿ. Káⁿ-ná hō͘ góa jīn-bat sím-mi̍h sī thiàⁿ-thàng, ū siūⁿ-beh kap lâng kóng chêng-ōe ê kám-kak.

> She's the heartbeat bumpin' in my chest (Who is this?) – Troy Sivan

Tī hit-chun keng-le̍k jîn-seng thâu-pái ê chho͘-loân, sit-loân. Kàu taⁿ chóng-sǹg sió-khóa kiâⁿ chhut-lâi. Lâng kóng bô teh hîn ah! Sin choan-chi̍p ê chit-tiâu koa ho̍k-koa it-ti̍t chhiùⁿ: "hit-ūi ko͘-niû-á, hit-ūi ko͘-niû-á," (that girl, that girl) góa soah thiaⁿ-chòe "[pàng hō͘ i cháu, pàng hō͘ i kiâⁿ](https://genius.com/Troye-sivan-shes-the-best-lyrics?ref=tiatleng.to)." (let it go, let it go)

2026 8 goe̍h ah, jîn-seng ê āu chi̍t-ê kai-tōaⁿ mā ài tòe chit-hō sin-pôaⁿ kè-sio̍k kiâⁿ ah! To-siā i.