> ## Content Index
> Fetch the complete content index at: https://tiatleng.to/llms.txt
> Use this file to discover other available public pages before exploring further.

# TĀIKE TÙI PE̍HNIHTOH Ê HOÁNÈNG HUN SAᴺCHIÓNG
- URL: https://tiatleng.to/tai-ke-tui-peh-nih-toh-e-hoan-eng-hun-san-chiong/
- Published: 2026-04-03T12:44:06.000Z
- Updated: 2026-04-03T12:54:24.000Z
- Description: Chit-keng hō-chò Bé-so̍k-suh ê kū-lo̍k-pō͘, tī TŌA-ÓAᴺ-KONG hit-mî siāng-sî hòng-sàng. Lâng-lâng hoaⁿ-hí tòe-teh chhiùⁿ-koa thiàu-bú.
- Author: TIATLÊNG
- Tags: BÍKOK, BÍCHIU, PE̍HŌEJĪ

![audio-thumbnail](https://storage.ghost.io/c/f0/bd/f0bd98f0-b936-4488-bda5-c3bef0e5f14f/content/media/2026/04/2026-04-03--20-46-2_thumb.jpeg)

IF YOU ARE A 🐃 FEEL FREE TO LISTEN TO ME READ IT.

0:00

/286.176

1×

Chit lé-pài ê "TÂI-OÂN KÀU-HŌE KONG-PÒ" tē 21 ia̍h ū ìn góa tâu-kó ê "[Lūn Halftime Show Tùi Lán-lâng ê Ì-gī.](https://tcnn.org.tw/archives/270424?ref=tiatleng.to)" Ngài me yu chún-phi [Hak-fa](https://tiatleng.to/bad-bunny-fai-thu-e-tui-ngai-teu-yu-mak-ke-yi-ngi/) (Kheh-ōe) ke pán-pún. Yě fān-yì chéng [jūng-wén](https://taitokchi.com/bad-bunny-super-bowl-halftime-show/?ref=tiatleng.to) (Tiong-bun). Chhiáⁿ ta̍k-ê piān-khòaⁿ beh tha̍k tó-chi̍t-chióng.

[【母語世界】Lūn Halftime Show Tùi Lán-lâng ê Ì-gī - 台灣教會公報新聞網“God bless America.” Lán bē-chió lâng eng-kai tiāⁿ-tiāⁿ thiaⁿ-tio̍h lâng án-ni teh kî-tó. Chit-kù-ōe tī góa beh lūn ê chit phiⁿ lāi-té chiâⁿ iàu-kín. M̄-chai lia̍t-ūi chí-mōe hiaⁿ-tī kám ū khòaⁿ Bí-kok kha-kiû “Super Bowl” (Tōa Óan-kong, chhiau-kip Poe) ê koàn-sì? Ta̍k-tang ê Jī-goe̍h tē-jī ê lé-pài àm-sî-á la̍k-tiám-pòaⁿ. Bē Bí-kok koah-pau (hamburger) ê chhan-thiaⁿ, ā-sī teh thîn bì-lù ê chiú-pa. Lâng-kheh kap thâu-ke ta̍k-ê lóng ē gia̍h-thâu, chù-sîn teh khòaⁿ hit ê tiān-sī hòng-sàng.![](https://storage.ghost.io/c/f0/bd/f0bd98f0-b936-4488-bda5-c3bef0e5f14f/content/images/icon/favicon.png)台灣教會公報新聞網TCNN![](https://storage.ghost.io/c/f0/bd/f0bd98f0-b936-4488-bda5-c3bef0e5f14f/content/images/thumbnail/Tcnn20-1.jpg)](https://tcnn.org.tw/archives/270424?ref=tiatleng.to)

Khiā Tī Chú ê Bīn-chêng Lán Lóng-sī Chi̍t-ke-hé-á.

Lūn tō mài-koh tah-tī chia ah. Che sī góa thâu-chi̍t-pái siá kiàn-chèng, hoat-piáu ê bûn. Mā sī thâu-chi̍t-pái tī KONG-PÒ khan bûn-chiuⁿ. To-siā Siōng-tè, mā to-siā [Lîm bo̍k-su](https://www.pct.org.tw/Pastor.aspx?strPID=82344&ref=tiatleng.to) nāi-sim khòaⁿ-thāi chi̍t-hāng tāi-chì.

[BAD BUNNY TUI NGÀITÊU YÛ MAKKE YINGI?Mí-koet Halftime Show tui ngài-teû yû mak-ke ying-i? Khon Fái Thu-é ke peú-yên, ngài sióng ke he ngài-teû ke chú-siên, ngài-teû khiung-yong pûn-ngìn chhṳ̍t-mìn ke li̍t-sṳ́, lâu Formosan ke vi-lòi.![](https://storage.ghost.io/c/f0/bd/f0bd98f0-b936-4488-bda5-c3bef0e5f14f/content/images/icon/cefc454012fbc0f02a4fbd4678fc524d-2-1.jpeg)TIATLÊNGTIATLÊNG![](https://storage.ghost.io/c/f0/bd/f0bd98f0-b936-4488-bda5-c3bef0e5f14f/content/images/thumbnail/z2jnx1id1rty7lby2mlo-1.jpeg)](https://tiatleng.to/bad-bunny-fai-thu-e-tui-ngai-teu-yu-mak-ke-yi-ngi/)

Khon Fái Thu-é ke peú-yên, ngài sióng ke he ngài-teû ke chú-siên.

Būn tāi-ke chi̍t-ê būn-tê. Lín kìⁿ-nā khòaⁿ-liáu chi̍t-chhut hì, chiok kah-ì ê. Lí kám-ē chiūⁿ YouTube chhiau-chhōe "[hoán-èng](https://www.smh.com.au/culture/music/i-m-hooked-on-youtube-reaction-videos-why-are-they-so-addictive-20220613-p5ata5.html?ref=tiatleng.to)" (reaction) lâi khòaⁿ? Góa sī. Hoān-sè sī chò phian-chi̍p ê hó? koàn-sì. Ài chai-iáⁿ chī-chūi, tá-lo̍h, tang-sî, hoán-èng siōng-tōa. Chiah thang pang-chān ka-tī kā chò Cha̍p-chì chit-hō tāi chò hō͘ hó.

Ū chi̍t-ê lâng chū-thâu thiàu kàu bóe.

Chit-keng hō-chò [Bé-so̍k](https://www.yelp.com/biz/beso-downey?dd%5Freferrer=https%3A%2F%2Fwww.google.com%2F&ref=tiatleng.to) (BESO) ê kū-lo̍k-pō͘ (Club), ēng Se-bûn hō-miâ. Tī [TŌA-ÓAᴺ-KONG](https://en.wikipedia.org/wiki/Super%5FBowl%5FLVI%5Fhalftime%5Fshow?ref=tiatleng.to) hit-mî ū siāng-sî hòng-sàng P[e̍h-nih-toh](https://www.debitirarmasfotos.com/?ref=tiatleng.to) (Bad Bunny) ê piáu-ián. Chit-hō só͘-chāi óa Bi̍t-hi-kó͘ ([Mexico](https://maps.app.goo.gl/hJn9VPA7oTPZNy5NA?ref=tiatleng.to)) khah kīn. Lâng-lâng hoaⁿ-hí tòe-teh chhiùⁿ-koa thiàu-bú. 

15 bió ê té iaⁿphin, lán mā ē-tàng koan-chhat.

Chit-phiⁿ tō-sī beh kā chit-ê sè-kài siōng hoān-sè siōng-chē lâng siāng-sî khòaⁿ ê piáu-ián. Lán-lâng ê hoán-èng hun-chò saⁿ-chióng, chhiūⁿ ē-bīn só͘-kì:

1. Kap góa bô tī-tāi, m̄-bat thiaⁿ-kòe TŌA-ÓAᴺ-KONG.
2. Pe̍h-lâng, bē-tín-bē-tāng, m̄-chai chit-má teh bú siáⁿ.
3. Ē-hiáu Se-gí (Latinoamérica) ê hoaⁿ-hí chhiùⁿ-koa thiàu-bú.

Tiāⁿ kap góa kāng-khoán khai sî-kan tī 15 bió iáⁿ-phìⁿ ê. Eng-kai chai-iáⁿ chi̍t-chióng "[GÓA BA̍K-CHIU KHÒAᴺ-KÌᴺ Ê](https://buffer.com/social-media-terms/pov?ref=tiatleng.to)" (POV) bûn-hòa. Lán nā khiā-tī [Pe̍h-lâng](https://www.youtube.com/watch?v=f4Pmrz%5FFQ5s&ref=tiatleng.to) chia, eng-kai tî-liáu Lady Gaga chhiùⁿ ū La-teng Bí-chiu khì-bī ê Eng-gí koa kap Pe̍h-nih-toh (Bad Bunny) hoah: "God Bless America" koh-ū "[THE ONLY THING MORE POWERFUL THAN HATE IS LOVE](https://x.com/sportingnews/status/2020674835110584324?ref=tiatleng.to)" chit saⁿ-ê phá. Kî-thaⁿ, liân tōa êng-bō͘ lóng siá Se-bûn. Bū-sà-sà. Chí-hó tiām-tiām-á khòaⁿ án-ni.

He í-á, m̄-sī Tâi-oân ê mi̍h. Sī siat-kè siōng-hó ê ke-si.

M̄-kú nā o̍h-kòe, tha̍k-kòe, ā-sī sió-khóa chai-iáⁿ La-teng Bí-chiu le̍k-sú ê, ē-tàng tùi in teh thiàu-bú, in ê koa-á tiāu, in ê hiān-tiûⁿ bí-su̍t. Khòaⁿ-tio̍h in m̄-bat khòaⁿ-kòe ê [AMERICA](https://www.instagram.com/reels/CoU8yr9oD2A?ref=tiatleng.to), he m̄-sī Bí-kok nā-tiāⁿ, sī Bí-chiu. Tng chē-chē kok-kî chông chhut-lâi hit-sî. In hoān-sè tō liáu-kái ah!

Che tī Niú-io̍k ê chiú-pa, nā beh khòaⁿ Poerto Rico [chhi̍h-chia](https://www.youtube.com/watch?v=Nrvr%5FPaKwlw&ref=tiatleng.to).

YouTube u chi̍t-ê kong-lêng, tō-sī, giú sî-kan sòaⁿ. Ē-tàng chhōe siōng-chē lâng khòaⁿ-ê hit phá. Góa khòaⁿ chē-chē iáⁿ-phìⁿ, tāi-ke lóng [chù-sîn tī Pe̍h-nih-toh ná hoah Bí-chiu kok kok-ka miâ ná cháu ê só͘-chāi](https://thehill.com/homenews/nexstar%5Fmedia%5Fwire/5729905-bad-bunnys-puerto-rico-flag-had-a-special-meaning-did-you-notice/?ref=tiatleng.to). Tiāⁿ-tio̍h hō͘ in kám-tōng. Liân chi̍t-ē o̍h Se-gí chiah nn̄g-tang ê chhài-chiáu-á, mā hō͘ kám-tōng tio̍h.

> [ View this post on Instagram ](https://www.instagram.com/reel/DUh3N8lgvgi/?utm%5Fsource=ig%5Fembed&utm%5Fcampaign=loading)
> 
> [A post shared by Luz✨Mujeres Money Coach 🤑 (@mujeresmoneycoach)](https://www.instagram.com/reel/DUh3N8lgvgi/?utm%5Fsource=ig%5Fembed&utm%5Fcampaign=loading)

Hō͘ góa khòaⁿ-tio̍h siōng chhù-bī ê sī, chi̍t-ê Bi̍t-hi-kó͘ a-má khòaⁿ piáu-ián. I ná teh áu ka-tī chóa ná teh kóng: "Góa bô hoat-tō͘ siong-sìn in-ūi án-ni tāi-ke khai-sí teh o̍h Se-pan-gâ-gí."

Khiā Tâi-oân, lán nā khòaⁿ Má-chó͘ teh ji̍p-biō sî hoah "Chìn-o͘h!" Tō kám-tōng. Ā-sī thiaⁿ Sèng-koa-tūi tī kàu-hōe chhiùⁿ bó-gí sèng-si, ē kám-tōng. M̄-kú ū-sî nā thiaⁿ Tayal, Kheh-gí, Bunun, Pangcah. Hoān-sè bô it-tēng ū án-ni hiah-kiông ê kám-chêng kap hoán-èng.

[‘Made me feel proudly American’: stars react to Bad Bunny’s Super Bowl showWhile Trump has attacked the Grammy-winning Puerto Rican star, celebrities have come out in force to support the half-time show![](https://storage.ghost.io/c/f0/bd/f0bd98f0-b936-4488-bda5-c3bef0e5f14f/content/images/icon/apple-touch-icon-512.png)The GuardianOwen Myers![](https://storage.ghost.io/c/f0/bd/f0bd98f0-b936-4488-bda5-c3bef0e5f14f/content/images/thumbnail/3348.jpg)](https://www.theguardian.com/music/2026/feb/09/reactions-bad-bunny-super-bowl-halftime-show?ref=tiatleng.to)

Ū gōa-chē bêng-chheⁿ kā i o-ló teh?

In-ūi, gí-giân kap bûn-jī, í-ki̍p i só͘ chhòng-chō ê bûn-hòa, ē khek tī lán ê sim-koaⁿ-té, kiám m̄-sī mah!

P.S. Lí kam chai-iáⁿ piáu-ián ê só͘-chāi, California, ā-sī LA kî-si̍t lóng-sī Se-gí?