BÍKOK

TĀIKE TÙI PE̍HNIHTOH Ê HOÁNÈNG HUN SAᴺCHIÓNG

Chit-keng hō-chò Bé-so̍k-suh ê kū-lo̍k-pō͘, tī TŌA-ÓAᴺ-KONG hit-mî siāng-sî hòng-sàng. Lâng-lâng hoaⁿ-hí tòe-teh chhiùⁿ-koa thiàu-bú.

TIATLÊNG

03 Apr 2026 — 5 min read

PHOTO © APPLE MUSIC

IF YOU ARE A 🐃 FEEL FREE TO LISTEN TO ME READ IT.

0:00

/286.176

Chit lé-pài ê "TÂI-OÂN KÀU-HŌE KONG-PÒ" tē 21 ia̍h ū ìn góa tâu-kó ê "Lūn Halftime Show Tùi Lán-lâng ê Ì-gī." Ngài me yu chún-phi Hak-fa (Kheh-ōe) ke pán-pún. Yě fān-yì chéng jūng-wén (Tiong-bun). Chhiáⁿ ta̍k-ê piān-khòaⁿ beh tha̍k tó-chi̍t-chióng.

Khiā Tī Chú ê Bīn-chêng Lán Lóng-sī Chi̍t-ke-hé-á.

Lūn tō mài-koh tah-tī chia ah. Che sī góa thâu-chi̍t-pái siá kiàn-chèng, hoat-piáu ê bûn. Mā sī thâu-chi̍t-pái tī KONG-PÒ khan bûn-chiuⁿ. To-siā Siōng-tè, mā to-siā Lîm bo̍k-su nāi-sim khòaⁿ-thāi chi̍t-hāng tāi-chì.

Khon Fái Thu-é ke peú-yên, ngài sióng ke he ngài-teû ke chú-siên.

Būn tāi-ke chi̍t-ê būn-tê. Lín kìⁿ-nā khòaⁿ-liáu chi̍t-chhut hì, chiok kah-ì ê. Lí kám-ē chiūⁿ YouTube chhiau-chhōe "hoán-èng" (reaction) lâi khòaⁿ? Góa sī. Hoān-sè sī chò phian-chi̍p ê hó? koàn-sì. Ài chai-iáⁿ chī-chūi, tá-lo̍h, tang-sî, hoán-èng siōng-tōa. Chiah thang pang-chān ka-tī kā chò Cha̍p-chì chit-hō tāi chò hō͘ hó.

Ū chi̍t-ê lâng chū-thâu thiàu kàu bóe.

Chit-keng hō-chò Bé-so̍k (BESO) ê kū-lo̍k-pō͘ (Club), ēng Se-bûn hō-miâ. Tī TŌA-ÓAᴺ-KONG hit-mî ū siāng-sî hòng-sàng Pe̍h-nih-toh (Bad Bunny) ê piáu-ián. Chit-hō só͘-chāi óa Bi̍t-hi-kó͘ (Mexico) khah kīn. Lâng-lâng hoaⁿ-hí tòe-teh chhiùⁿ-koa thiàu-bú.

15 bió ê té iaⁿphin, lán mā ē-tàng koan-chhat.

Chit-phiⁿ tō-sī beh kā chit-ê sè-kài siōng hoān-sè siōng-chē lâng siāng-sî khòaⁿ ê piáu-ián. Lán-lâng ê hoán-èng hun-chò saⁿ-chióng, chhiūⁿ ē-bīn só͘-kì:

Kap góa bô tī-tāi, m̄-bat thiaⁿ-kòe TŌA-ÓAᴺ-KONG.
Pe̍h-lâng, bē-tín-bē-tāng, m̄-chai chit-má teh bú siáⁿ.
Ē-hiáu Se-gí (Latinoamérica) ê hoaⁿ-hí chhiùⁿ-koa thiàu-bú.

Tiāⁿ kap góa kāng-khoán khai sî-kan tī 15 bió iáⁿ-phìⁿ ê. Eng-kai chai-iáⁿ chi̍t-chióng "GÓA BA̍K-CHIU KHÒAᴺ-KÌᴺ Ê" (POV) bûn-hòa. Lán nā khiā-tī Pe̍h-lâng chia, eng-kai tî-liáu Lady Gaga chhiùⁿ ū La-teng Bí-chiu khì-bī ê Eng-gí koa kap Pe̍h-nih-toh (Bad Bunny) hoah: "God Bless America" koh-ū "THE ONLY THING MORE POWERFUL THAN HATE IS LOVE" chit saⁿ-ê phá. Kî-thaⁿ, liân tōa êng-bō͘ lóng siá Se-bûn. Bū-sà-sà. Chí-hó tiām-tiām-á khòaⁿ án-ni.

He í-á, m̄-sī Tâi-oân ê mi̍h. Sī siat-kè siōng-hó ê ke-si.

M̄-kú nā o̍h-kòe, tha̍k-kòe, ā-sī sió-khóa chai-iáⁿ La-teng Bí-chiu le̍k-sú ê, ē-tàng tùi in teh thiàu-bú, in ê koa-á tiāu, in ê hiān-tiûⁿ bí-su̍t. Khòaⁿ-tio̍h in m̄-bat khòaⁿ-kòe ê AMERICA, he m̄-sī Bí-kok nā-tiāⁿ, sī Bí-chiu. Tng chē-chē kok-kî chông chhut-lâi hit-sî. In hoān-sè tō liáu-kái ah!

Che tī Niú-io̍k ê chiú-pa, nā beh khòaⁿ Poerto Rico chhi̍h-chia.

YouTube u chi̍t-ê kong-lêng, tō-sī, giú sî-kan sòaⁿ. Ē-tàng chhōe siōng-chē lâng khòaⁿ-ê hit phá. Góa khòaⁿ chē-chē iáⁿ-phìⁿ, tāi-ke lóng chù-sîn tī Pe̍h-nih-toh ná hoah Bí-chiu kok kok-ka miâ ná cháu ê só͘-chāi. Tiāⁿ-tio̍h hō͘ in kám-tōng. Liân chi̍t-ē o̍h Se-gí chiah nn̄g-tang ê chhài-chiáu-á, mā hō͘ kám-tōng tio̍h.

View this post on Instagram

A post shared by Luz✨Mujeres Money Coach 🤑 (@mujeresmoneycoach)

Hō͘ góa khòaⁿ-tio̍h siōng chhù-bī ê sī, chi̍t-ê Bi̍t-hi-kó͘ a-má khòaⁿ piáu-ián. I ná teh áu ka-tī chóa ná teh kóng: "Góa bô hoat-tō͘ siong-sìn in-ūi án-ni tāi-ke khai-sí teh o̍h Se-pan-gâ-gí."

Khiā Tâi-oân, lán nā khòaⁿ Má-chó͘ teh ji̍p-biō sî hoah "Chìn-o͘h!" Tō kám-tōng. Ā-sī thiaⁿ Sèng-koa-tūi tī kàu-hōe chhiùⁿ bó-gí sèng-si, ē kám-tōng. M̄-kú ū-sî nā thiaⁿ Tayal, Kheh-gí, Bunun, Pangcah. Hoān-sè bô it-tēng ū án-ni hiah-kiông ê kám-chêng kap hoán-èng.