SIĀUKÀI

Hoaliânlâng, khiā Saikah. Jînlūitô͘ kóng góa sī Tâuiáⁿki, Chheⁿsiok kóng góa sī Chhèng'á. Tī chit ê sèkài khiā 33 tang, iáu koh m̄bat chiokchē tāichì. Bēhiáu tha̍kchheh mā sī piàⁿmiā teh chò giánkiù siá lūnbûn. Bo̍kchiân ta̍kkang teh "to̍k" siá tiānchúphoe SINBÛN LIA̍HLĀU, 1 kang hunhióng 3 hāng tiōngiàu ê sinbûn pun tho̍kchiá chaiⁿ.

Kahì thiaⁿ imga̍k, khah chiap ēng Apple Music, mā ē chhìnchhái sńg kìtah. Ē khì Gym liān sinthé, mā chiok hèng cháu, ūntōng pangchān góa sukhó. Nā kóng tiāntōng, góa ētàng sńg Minecraft sńg kuikang, chitkúinî mā ē sńg Stardew Valley, Cities: Skylines. Ū tòe pêngiú chhamka Duolingo Super, o̍h gígiân hō͘ góa khòaⁿ koh khah hn̄g koh khah bô kâng ê sèkài.

💼 Sūkang

Nā tùi góa chò ê tāichì ū hèngchhù, ēsái chhōe góa chò siáⁿ?

1. Kàuha̍k: Tâigí Pe̍hōejī, Ji̍tpúnōe
2. Chhutpán: phianchi̍p, siáchok, chháihóng, pâipán
3. Kàutùi: Tâigí
4. Lo̍kim: Tâigí
5. Pàngkoa：kéng ha̍hsu hiāntiûⁿ ê imga̍k

📚 Kengle̍k

• Sió Ji̍tchí, Háiang, Sànbah, Nâpóchio̍h, Khunhong...... téng ê cha̍pchì
• Tâibûn Phoklánhōe - khanbu̍t bísu̍t
• Tâibûn Thongsìn 30 Tang Kìliām Tekkhan - chheh ê pâipán
• magazine to̍k - pianchi̍p, chháihóng, siákó
• Lokah Goântenghong No.3: Tâilâmchhī Ha̍k-hāu Goânchūbînccho̍k Kàu-io̍k Pó͘chhiong Kàuchâi

🎓 Ha̍kle̍k

• Sūlîm Kosiong: Chuliāu Chhúlí Kho
• Tâioân Gēsu̍t Tāiha̍k: Tô͘bûn Thoânpò Ìnsoat Hē (bô chutgia̍p)
• Sêngkong Tāiha̍k: Tâioân Bûnha̍k Hē
• Tâioân Suhoān Tāiha̍k: Tâioânsú Giánkiùsó͘ (tngteh piàⁿ)

📃 Chèngsu

• Choânbīn Tâigí Jīnchèng: C1 Kokip
• Bānlángí Gígiân Lêngle̍k Jīnchèng Khóchhì: B1 Tiongkip
• Ji̍tpúngí Lêngle̍k Chhìgiām: N2
• Tâigí Pe̍hōejī Kiámtēng: C Kokip