SAK 5 CHHUT APPLE TV+ Ê HÌ

Sinnî chhe sì chiah lâi sak hìchhut, kám bē siuⁿ òaⁿ? Bē lah. Chiaⁿ'goe̍h lán mā sī bián hiah kutla̍t chò tāichì. Jī'goe̍h mā sī ài ûnûn'á kòe khah sùsī. Khah hántit ū lâng teh khòaⁿ Apple TV+, m̄-koh in chò kah chiok hó, lín nā ū êng tō khòaⁿ.

Sinnî chhe 4 chiah lâi sak hìchhut, kám bē siuⁿ òaⁿ? Bē lah. Chiaⁿ'goe̍h lán mā sī bián hiah kutla̍t chò tāichì. Jī'goe̍h mā sī ài ûnûn'á kòe khah sùsī. Khah hántit ū lâng teh khòaⁿ Apple TV+, m̄koh in chò kah chiok hó, lín nā ū êng tō khòaⁿ.

Apple TV+ SĪ SIÁᴺ?
Chhinchhiūⁿ Netflix, Max, āsī Disney+, Apple in mā ū katī ê hìchhutbāng. Suibóng bô hiachē hì, m̄koh inūi tāipō͘hūn lóng sī katī chhutchîⁿ chò ê, só͘í chiâⁿ ū Apple ê khìbī, khòaⁿ tō chaiⁿ. Ah tio̍h, Apple TV sī in ê tiānsī a̍p'á, sī chiap tiānsī ê, Apple TV+ chiah sī hìchhut ê bāngchām.

BEH SAK CHIT 5 CHHUT

SEVERANCE – jînseng / chò khangkhòe
SILO – Ūihô beh oa̍h tī tēhā kòeji̍t
PACHINKO – Hânkoklâng 4 tāi kò͘sū
THE MORNING SHOW – sinbûn ánná pò
INVATION – gōachheⁿlâng thâi jînlūi

I. Severance

Ū chi̍t keng kongsi, in hoatbêng chi̍t chióng chhiúsu̍t "Serverance", ētàng hō͘ lâng tī kongsi siōngpan, hāpan, hunchò nn̄gchióng jînkeh, m̄koh iugoân kāng chi̍t ê bahthé. Sengoa̍h hoān sengoa̍h, kangchok hoān kangchok.

💡 100% sak, chhōebô màikhòaⁿ ê líiû, choânpō͘ lóng chò kah chiok téngchin.

II. SILO

Ū chi̍t tīn lâng in chū chhutsì tō oa̍h tī tēhā ê siâⁿchhī "SILO", in m̄chai in ê cho͘sian ūisiáⁿmi̍h ē khí chit chò siâⁿchhī, kantaⁿ chaiiáⁿ chhutkhì thó͘tē téngbīn ē sí. M̄koh, tng in hoatkián chènghú kaⁿná ū amkhàm sūsi̍t, khòngcheng khaisí ah.

💡 Khòaⁿ in ánná tuikiû chūiû, chinsiòng kap koh khah hó ê bīlâi.

III. PACHINKO

Hânkoklâng 3 tāi ê kò͘sū, tùi 1915 kàu 1989. Tī Bíkok chò pângtēsán ê siàuliânlâng, in a'pa tī Osaka chò "Pachinko" senglí, a'má tī Ji̍tpún sîtāi tùi Hânkok kàu chia hoattián. Chit chhut jībō͘ hun bôkâng sek, piáusī ēng bôkāng gígiân teh tùiōe.

💡 Ē khòaⁿ kah chiok sóng, liáukái Hânkoklâng ê bîncho̍ksèng.

IV. THE MORNING SHOW

Bíkok chi̍tkeng tiānsītâi ū chi̍t ê thàuchá ê sinbûn chiatbo̍k "The Morning Show", sī choânkok siōngchē lâng khòaⁿ ê sinbûn, pò siáⁿmi̍h tāichì ē ánná énghióng siāhōe, khoânle̍k, jînkhoân, pòtō chūiû, ê kò͘sū.

💡 Liáukái mûithé siōng téngkoân ê lâng lóng ánná pháng sinbûn ê.

V. INVASION

Gōachheⁿlâng lâi kàu tēkiû, khaisí thâi lâng, m̄koh bô lâng chaiiáⁿ ánná kap in ko͘thong, ūihô beh lâi. Koh hoatkián choân sèkài ū chi̍tkóa lâng ū hoattō͘ kap gōachheⁿlâng chihchiap. Tàuté in sī beh lâi chhòngsiáⁿ ê?

💡 Ōebīn chò kah chioksúi, ittēng ài ēng 4k khòaⁿ.

MAN VS BEAST, a new Apple Immersive film, takes you on a wild ride through the world of rodeo to experience what it takes to be a professional bull rider.

Available now on Apple Vision Pro. pic.twitter.com/a9f4ItbsjK
— Apple TV (@AppleTV) January 31, 2025

Chòekīn koh ū kaⁿtaⁿ Apple Vision Pro chiah khòaⁿ ē tio̍h ê hì.

Kîsi̍t iáu koh ū chēchē hì thang sak, m̄koh, nā ū êng, chit 5 chhut ēsái seng khòaⁿmāi teh. Nā kahì, góa mā ēsái koh sak pat chhut pò lín chaiⁿ. M̄ná tiānsīkio̍k, in mā ū kìlo̍kphìⁿ, gínná hì, tōngōe, mā ū imga̍khōe. Khah khósioh tō sī bô êng Apple ê lâng khah m̄chai chiah ū chin chē hóliāu thang khòaⁿ.

Ánná tī Windows, Android, āsī kîthaⁿ m̄sī Apple ê kikhì khòaⁿ Apple TV+?