LÁNLÂNG CHÓNGSĪ Ē KĀ LÂNG LÀUKAU KHÌ — FLAGBOY GIZ

IF YOU ARE A 青盲牛 🐃 FEEL FREE TO LISTEN TO ME READ IT.

0:00

/117.048

1×

Lín kòe lín ê Super Sunday, SUPER BOWL; Goán kòe goán ê Super Sunday, MASKING .

Nā kóng Pe̍h-nih-toh (Bad Bunny) thè Latinoamérica, kui-ê Bí-chiu hoah-siaⁿ, America m̄-sī kan-taⁿ Bí-kok nā-tiāⁿ. Án-ni, GIA̍H KÎ-Á-Ê GIH-SUH (FLAGBOY GIZ) tō sī thè Bí-kok lāi ê sian-chū-bîn chhiùⁿ-chhut in ê sim-siaⁿ. COLORS tú-tú-hó tī chit-chok ê "Hui-siông ê Lé-pài" (Super Sunday), "ANG-Á-BĪN" (MASKING) oa̍h-tōng ê 3 goe̍h 15, tī YouTube hòng-sàng i ê koa 'Goán Kiâⁿ Tī Ke-á-lō͘ nih' (We Outside).

Lán, tùi Bí-kok khah chhiⁿ-so͘ ê. Hoān-sè kan-taⁿ chai-iáⁿ tī Au-chiu-lâng á-bē "HOAT-KIÀN BÍ-CHIU" chìn-chêng tō ū lâng tī chia seⁿ-thòaⁿ ah. M̄-kú chóng-sī ū chē-chē bîn-cho̍k. M̄-sī kan-taⁿ ko͘ chi̍t-ê nā-tiāⁿ.

GIA̍H KÎ-Á-Ê GIH-SUH tō sio̍k tī Má-lū-tih Kū-lah-su (Mardi Gras). In mā hō͘-lâng hō-chò "Tì O͘-ê Ang-á-bīn-ê" lâng. Khiā Bí-kok lâm-pêng, hō-chò Niú O͘-līn-suh (New Orleans) chit-tàⁿ.

Chit-khek 'Goán Kiâⁿ Tī Ke-á-lō͘ nih', sû, tō teh siá kóng, Bí-kok-lâng lóng teh hoaⁿ-hí Hui-siông ê Lé-pài. Tō-sī TŌA ÓAᴺ-KONG (SUPER BOWL). M̄-kú goán chia Hui-siông ê Lé-pài bô-kāng.

Saⁿ, goán ka-tī chhia, iû-hêng goán ka-tī kiâⁿ. Bô chhiūⁿ lín tiàm tī kùi kah beh sí ê Kha-kiû-tiûⁿ. Goán kiâⁿ bián-chîⁿ ê ke-á-lō͘ kā ka-tī ê bûn-hòa kap thoân-thóng thòaⁿ-lo̍h-khì.

Ūi-tio̍h Má-lū-tih Kū-lah-su (I was sewing hustling working)
Góa tng-teh bô-êng chò saⁿ (For the Mardi Gras)
Chi̍t-ê Niú O͘-līn-suh ê iû-hêng (Carnival in New Orleans)
Góa chiūⁿ ke-thâu (Im outside)
Kòe-lō͘-lâng lóng-teh o-ló (Everybody talking bout)
Góa ê chhēng-chhah (Boy your suit cold)
Chia kan-taⁿ chi̍t-ê Hui-siông ê Lé-pài (It's only one Super Sunday)
Choa̍t-tùi m̄-sī Tōa-óaⁿ-kong (It ain't the Super Bowl)

IF YOU ARE A 青盲牛 🐃 FEEL FREE TO LISTEN TO ME READ IT.

0:00

/130.44

1×

Góa m̄-bat thiaⁿ chit-ê lâng ê koa. Chóng-sī ū teh tòe COLORS chit-hō YouTube ê kháu-chō. Pún-chiâⁿ góa koh siūⁿ-kóng, beh thiau-kang lâi khau-sé í-keng phòa kì-lo̍k ê TIONG-TIÛᴺ PIÁU-IÁN (HALFTIME SHOW), kap Pe̍h-nih-toh kah-chhia. Sū-si̍t m̄-sī án-ni. I chí-sī beh kā ta̍k-ê kóng, koh-ū goán chia-ê lâng tī-teh o͘h!

NÁ-Ē CHHIÙᴺ ENG-GÍ? M̄-SĪ BÓ-GÍ!

Góa siōng iàu-ì chit-hāng sū. Tō kán-tan-á tha̍k kóa bûn-chiuⁿ. Thiaⁿ-kóng, si̍t-bîn-chiá Hoat-kok, tī 18 sè-kí tùi Hui-chiu sai-pêng lia̍h iok 5,000 ê O͘-lâng sàng-kàu chit-má ê Niú O͘-līn-suh, chò lô͘-châi. Thè in chò-sit, khí-chhù.

Koh kiaⁿ in hoán-khòng. Tō chiong kóng kāng-khoán gí-giân ê pun hō͘ khui. Su-tong-sî, tō-ū lâng kín soan! Chiah-ū hoat-tō͘ lâu-lo̍h-lâi in chia hō͘ lâng hō-chò "Tì O͘-ê Ang-á-bīn-ê" lâng tī 2026 iáu koh tī-teh.

His breakout single, “We Outside,” released in 2022, became an anthem in New Orleans and beyond. It amassed over 1 million views on YouTube and 1.5 million streams across platforms. — FLAGBOYGIZ

Hiān-chhú-sî, in-ê bú-gí mo̍͘h-mo̍͘h ah! Sui-bóng i chhiùⁿ Eng-gí, m̄-kú chim-chiok khòaⁿ koa-sû, sī ū lām chi̍t-kù in ka-tī ê àm-hō tī lāi-té. "Lí chit-khoán Iu-ho͘ in-chun" (You a Uhaul Injun Uhaul injun). Chit-sû "Iu-ho͘ in-chun" sī teh kóng kan-taⁿ tì ang-á bīn hip-siòng liáu tō cháu-ah ê lâng. M̄-kú i ka-tī sī khah thoân-thóng, khah láu-si̍t, kā lō͘ kiâⁿ liáu ê.

IF YOU ARE A 青盲牛 🐃 FEEL FREE TO LISTEN TO ME READ IT.

0:00

/136.512

1×

He Ang-á-bīn, siáu-tāng. Tùi 22 kàu 68 kong-kun ê lóng-ū. Chhiùn Bí-kok liām-koa (Rap) ê, khau-sé choa̍t-tùi sī bē-tàng khiàm ê.

Spain’s king acknowledges ‘much abuse’ in the conquest of the Americas

King Felipe VI made the remarks while speaking with Mexico’s ambassador to Spain, Quirino Ordaz, during a visit to a museum exhibition in Madrid about the role of women in pre-Columbian Mexico.

Los Angeles TimesSuman Naishadham

Hō͘ góa siūⁿ-tio̍h sè-hàn-sî tiàm Hoe-liân-káng. A-pâ chhōa góa khì Pangcah ê só͘-chāi. In sī-tōa ē the̍h siù-chhê-á phah bô khí-lâi thiàu-bú ê gín-ná. Mā hō͘ góa siūⁿ-tio̍h Pangcah ê siàu-liân ha̍p-chhiùⁿ-thoân “i'sai,” kap HengJones ê Kaying. In mā lóng ēng Tiong-kok-ōe siá-sû. Kan-taⁿ chi̍t-sut-á bó-gí nā-tiāⁿ.

Lán kám-sī ài kā in bián-lē, lán phah-piàⁿ kā bó-gí chhiùⁿ tò-tńg-lâi hó-bô?

The oral history of Flagboy Giz’s Mardi Gras classic “We Outside”

Flagboy Giz tracks the entire history

The FADERRaphael Helfand

JĪN-BAT GIA̍H KÎ-Á-Ê GIH-SUH

• 2014 khai-sí o̍h án-ná chò thoân-thóng ê saⁿ
• Bô kah-ì pa̍t-lâng kā i hip-siōng
• DJ eMynd chò-koa ho͘ i
• Koa-sû khau-sé bô-ài chò-hóe kiâⁿ ke-á-lō͘ ê lâng
• I siūⁿ-beh chò ū ì-gī ê koa

Tiàm tī lán ê tó. Lán pí "Tì O͘-ê Ang-á-bīn-ê" koh-khah hēng-ūn ah! Chē-chē bô-kāng bîn-cho̍k ê gí-giân lóng koh-oa̍h ah! Lán ū hoat-tō͘, mā-ū pún-chîⁿ thang chò chē-chē sū-kang, m̄-bián óa-khò pa̍t-lâng ê gí-giân.

Flagboy Giz

Music -Info- Merchandise for Flagboy Giz of the Wild Tchoupitoulas Black Masking Indians

Flagboy GizFlagboy Giz

M̄-kú chit-phiⁿ, góa sī beh kiông-tiau, "LÁN-LÂNG CHÓNG-SĪ Ē KĀ LÂNG LÀU-KAU KHÌ." Kì-chài tī SÈNG-KENG LŌ͘-KA XV:4-5 "Lín tiong-kan sím-mı̍h lâng ū chı̍t-pah chiah iûⁿ, sit-lo̍h chı̍t chiah, kiám bô chhiáⁿ pàng káu-cha̍p-káu chiah tī soaⁿ-nı̍h, khì chhē só͘ sit-lo̍h ê kàu tit-tio̍h mah? Í-keng chhē-tio̍h chiū hoaⁿ-hí, pē i tī keng-thâu téng."

Pe̍h-nih-toh kā 99 chiah iû chhōa-khì soaⁿ-téng ah! Lán tō mài bē-kì-tit, iáu-koh ū-lâng teh sô. Lán ài khì chhōe he cháu m̄-chaiⁿ lō͘ ê hit chi̍t chiah iûⁿ-á. Che pí káu-cha̍p-káu chia̍h koh-khah ū ì-gī. Che-sī Siōng-tè kóng ê tō-lí.