Kàu Tâitô͘ chhōe Kàuhōe Kongpò
Chit ha̍kkî, teh giánkiù Kàuhōe Kongpò ê hoathêng kap liûthong, inūi suiàu chaiiáⁿ pò ê chhùnchhioh, koh 1 pái hō͘ góa kámkak, ūisáⁿmih lóng bô khòaⁿ kòe goānkiāⁿ, chŏaⁿ mn̄g chin chōe lâng, ū lâng pò kóng Tâioân Tô͘sukoán ū, tō khí chhōe, m̄koh, íkeng hŏng hip'khílâi chiâⁿchòe tâuiáⁿphìⁿ, nā beh goânkiāⁿ ài thiⁿ toaⁿ'á sinchhéng.
Chiâⁿ simsek sī kóng, só͘ū ê pòchóa lōeiông, lán lóng ū hoattō͘ tī bānglō͘ khòaⁿ, m̄koh liân I ê chóa seⁿ sáⁿ khoán, ìn ê jī sī sáⁿmih chúisek lóng m̄ chāi, kantaⁿ khòaⁿ scan ê tóngàn, ū chinchē làukau ê só͘chāi, phìjû, tī Tâitô͘ siu'ê, tō ū Ji̍tpún Kéngchhat tǹg ìn'á, che tī pa̍tūi khòaⁿ ê bôkâng, thang chai, chiū sǹg sī Pe̍hōejī lâi chhutpán, mā ài chiàu "Sinbûnchóa Tiâulē" thêkiong "Kiànpún" hō͘ chènghú tāiseng símcha chiah thang chhutpán.
Lūn, 6 goe̍h ê siá hó.
Giánkiùsó͘ ê lāusu, itti̍t kiò gún ittēng ài kàu tī Tâipak Chia̍tūn Éngan Chhītiûⁿ Chām hùkīn ê Tâioân Tô͘sukoán, inūi 5 kap 6 lâu ū te̍kpia̍t siat Tâioânha̍k ê tiongsim, siuchông chin chōe Ji̍tpún sîtāi lâu'lo̍hlâi ê chuliāu.
Inūi góa bô iōng kòe “Microforms” chitchióng kā súliāu hip chòe téphìⁿ ê kenggiām, koánoân chiâⁿ jia̍tsim lâi kā góa kà, thiaⁿ góa kóng Tâigí māsī kā góa ìn Tâigí, huisiông kámkak Lucky! Sòa bēkìtit kā I kóng góa chhōe ê chuliāu, tī êngbō͘ téng ê pòchóa, kîsi̍t sī Tâigí, ǹgbāng āupái lâi chhōe goânkiāⁿ sî, ēsái sūnsòa kah I káisoat.
