KÁICHIÚ MÓAGOE̍H Ê SIMTEK
Si̍tchāi chiâⁿ hèng chia̍hchiú, chêng chām'á kámkak sinthé koàikoài, tō siūⁿkóng lâi kái khòaⁿmāi hó ah. "Káichiú sī bînáchài ê tāichì" sī chiúkúi ê sio̍kgí, góa mā tùi katī hoah kài chē piàn ā. Chóng'sī chit pái, ta̍tsêng chi̍t kò goe̍h ê kìlo̍k. Siūⁿbeh kìlo̍k siókhóa'á kámsióng.
Sinthé ê kámkak
- paktó͘ khah bē pûi
- ūitn̂g khah bē bô sóngkhoài
- liān kunbah khah ū kámkak khah ē sngthiàⁿ
- khah bē khùn siuⁿ kú
- mā bē siūⁿbeh phòe hun chia̍h
- bīn, phôehu khah bē seⁿ thiāu'á'chí
Sī siūⁿkóng, góa tùi jīcha̍p chhutthâu, tòe Ji̍tpúnlâng chia̍hchiú ê hongsio̍k, kàu tōahàn, chhaputto lóng sī katī lim, tongjiân pêngiú siochio chòhóe lim mā bēbái. M̄koh pí'khílâi chi̍t ê lâng lim khah sóng. Hiah kútn̂g ê sîkî góa lóng teh siūⁿ kám sī siūⁿbeh khah hó khùn, phàng khinsang. Tānsī sūsi̍t chèngbêng, che chi̍t kò goe̍h kìm chiú ílâi, mā sī khùn kah péng'kòe. ÁNNE SĪ HŌ͘ KOAᴺ HIOHKHÙN Ê HÓ SÎKI LAH.
Túhó, chòekīn teh thé tha̍kchhehhōe chhōe kò͘sū, tō tī "Katêng ê Pêngiú" chhōe tio̍h chit phiⁿ "LIM CHIÚ Ê TIUᴺ SIAN-SIᴺ SÍ LAH", ū kàu chhùbī. Inūi ábē sò͘ūi hòa, góa mā pîntōaⁿ khí jī, ánne, ēsái katī tha̍k a̍hsī thiaⁿ góa liām.
