> ## Content Index
> Fetch the complete content index at: https://tiatleng.to/llms.txt
> Use this file to discover other available public pages before exploring further.

# IÂMTIÂᴺ KÀUHŌE “PAKHEKLÉ THOÂNKHÈ” KHÍKÓ͘
- URL: https://tiatleng.to/iam-tian-kau-hoe-pa-khek-le-thoan-khe-4-29-khi-kou/
- Published: 2026-04-01T09:49:52.000Z
- Updated: 2026-05-20T15:51:27.000Z
- Description: Chit-hō thoân-thé, khiā tī Tâi-oân Lô-má-jī, Pe̍h-ōe-jī chò chú-thé. Ǹg-bāng thàu-kòe Chú ê sìn-gióng kap tāi-ke ê saⁿ-thiàⁿ. Kā Siōng-tè tī 160 tang chêng só͘ siúⁿ-sù lán ê bûn-jī, chi̍t-jī chi̍t-jī kā khioh tò-tńg-lâi.
- Author: TIATLÊNG
- Tags: KOHIÔNG, PE̍HŌEJĪ

![audio-thumbnail](https://storage.ghost.io/c/f0/bd/f0bd98f0-b936-4488-bda5-c3bef0e5f14f/content/media/2026/04/2026-04-01--17-42_thumb.jpeg)

IF YOU ARE A 🐃 FEEL FREE TO LISTEN TO ME READ IT.

0:00

/228.864

1×

> Every Wednesday at 6 PM, we’re vibing. It’s free. Don’t play yourself, just show up.

4 goe̍h 29, tī Táⁿ-káu IÂM-TIÂᴺ KÀU-HŌE beh khí chi̍t-ê sin koh to̍k-li̍p ê thoân-khè. Lán kā hō-chò **PA-KHEK-LÉ THOÂN-KHÈ**. Chit-hō thoân-thé, khiā tī Tâi-oân Lô-má-jī, Pe̍h-ōe-jī chò chú-thé. Ǹg-bāng thàu-kòe Chú ê sìn-gióng kap tāi-ke ê saⁿ-thiàⁿ. Kā Siōng-tè tī 160 tang chêng só͘ siúⁿ-sù lán ê bûn-jī, chi̍t-jī chi̍t-jī kā khioh tò-tńg-lâi.

![](https://storage.ghost.io/c/f0/bd/f0bd98f0-b936-4488-bda5-c3bef0e5f14f/content/images/2026/04/IMG_6352.jpeg)

Hoān-sè tāi-ke tī ke-á-lō͘ khòaⁿ-ē-tio̍h chit-tiuⁿ.

**Ta̍k lé-pài 3 àm-sî 6 tiám kàu 7 tiám-pòaⁿ.**

Lán lóng tī chia khioh-jī.

![](https://storage.ghost.io/c/f0/bd/f0bd98f0-b936-4488-bda5-c3bef0e5f14f/content/images/2026/04/IMG_9991.jpeg)

Siōng-tè siúⁿ-sù lán ê jī, m̄-nā Tâi-gí, Seediq mā ū o͘h.

**THOÂN-KHÈ SIĀU-KÀI**  
Chú sù hō͘ lán ê jī, lán m̄-thang pàng-bē-kì. Chú kā lán kà ê jī, lán m̄-thang tàn-hì-sak. "[TAᴺ TIO̍H KÍN-KÍN PHÓ͘-KIP LÔ-MÁ-JĪ!!](https://kiek.taigi.info/1925ChapHangKoanKian/?page=6&ref=tiatleng.to)" sī [Chhòa Pôe-hóe](https://zh-min-nan.wikipedia.org/wiki/Chh%C3%B2a%5FP%C3%B4e-h%C3%B3e?ref=tiatleng.to) tī 1925 ê chú-tiuⁿ. Pa Bo̍k-su pān pò-chóa "[TÂI-OÂN HÚ-SIÂᴺ KÀU-HŌE-PÒ](https://commons.wikimedia.org/wiki/File:Tai-Oan-Hu-Sia-Kau-Hoe-Po.jpg?ref=tiatleng.to)." Ēng chāi-tē lâng ê gí-giân ìn pò-chóa, pò siau-sit. Tō-sī ǹg-bāng tāi-ke lóng kóaⁿ-kín bat tō-lí, bat tì-sek. Chit-hō jī kiâⁿ-kòe Chheng, Ji̍t, Tiong, saⁿ-ê sî-tāi. Tú-tio̍h nn̄g-pái ê "KOK-GÍ CHÈNG-CHHEK" lâi sok-pa̍k.

Góa tha̍k SÌN-TÔ͘ LŪI-HÊNG.

Kám-siā chú ê thiàⁿ bô soah. Kàu taⁿ, 2026 iáu koh ū bē-chió lâng teh siá chit-hō jī.

![](https://storage.ghost.io/c/f0/bd/f0bd98f0-b936-4488-bda5-c3bef0e5f14f/content/images/2026/05/IMG_8986_VSCO.JPG)

Ta̍k lé-pài ê kì-lo̍k.

Chí-mōe Hiaⁿ-tī ah! Hiān-chhú-sî, tō-sī kā jī khioh tò-tńg-lâi ê sî-chūn ah! Lán tō ùi Tâi-oân Lô-má-jī chò-hóe jīn-bat Siōng-tè ê tō-lí. Siá-jī kau-liû, siá-jī saⁿ-thiàⁿ.

![](https://storage.ghost.io/c/f0/bd/f0bd98f0-b936-4488-bda5-c3bef0e5f14f/content/images/2026/04/IMG_6363.jpeg)

Kàu-hōe gōa ê bîn-chiòng lóng teh o̍h ah. Lán Ki-tok-tô͘ tō koh-khah ài lâi jīn-chin o̍h.

**CHU-SÌN**

- 🗓️ TANG-SÎ: 2026 4 goe̍h 29 (pài 3)
- 🕕 SÎ-KAN: Àm-sî-á 6 tiám kàu 7 tiám-pòaⁿ
- ⛪️ SÓ͘-CHĀI: [Lōa-lâm-ke 53 hoan 5 lâu](https://maps.apple.com/frame?center=22.622829,120.281351&distance=220.400343&map=explore&span=0.001055,0.001500&ref=tiatleng.to)

![](https://storage.ghost.io/c/f0/bd/f0bd98f0-b936-4488-bda5-c3bef0e5f14f/content/images/2026/04/IMG_6765.jpeg)

Kám chin-chiàⁿ ū lâng teh siá chit-hō jī? Ná-ē bô!

**CHHÒNG-SIÁᴺ**

- 18:00-18:30: kî-tó, khai-káng, gîm Sèng-si
- 18:30-18:45: tha̍k Sèng-keng
- 18:45-18:50: tha̍k Kong-pò
- 18:50-19:00: thó-lūn, kau-liû
- 19:00-19:05: o̍h bat-jī
- 19:05-19:10: pò-kò
- 19:10-19:15: kî-tó, sì-sòaⁿ

![](https://storage.ghost.io/c/f0/bd/f0bd98f0-b936-4488-bda5-c3bef0e5f14f/content/images/2026/05/IMG_9673_VSCO.JPG)

Ū-êng lâi-chē.

**ÁN-NÁ CHHAM-KA**

- ☎️ 561-1315 (chhōe Bûn-lêng)
- 📧 tiatleng@icloud.com
- 📥 Instagram: @tiatleng

![](https://storage.ghost.io/c/f0/bd/f0bd98f0-b936-4488-bda5-c3bef0e5f14f/content/images/2026/04/IMG_2890.jpeg)

![](https://storage.ghost.io/c/f0/bd/f0bd98f0-b936-4488-bda5-c3bef0e5f14f/content/images/2026/04/IMG_2894.jpeg)

1965, P.K.U. kap LIO̍K-KONG ŪN-TŌNG KOA.

> Tē 1 ūn-tōng sī “Bat-jī”, Ài lán lóng bat “Pe̍h-ōe-jī.” - N̂g Bú-tong 

**CHÚ-KÁNG**

Lokah ta kwara! Phìn-ôn, pêng-an. Sī góa [TIATLÊNG](https://tiatleng.to/siau-kai/) (a.k.a. Sangas) pún-lâng. Tī kin-nî 3 goe̍h 15 Chú-ji̍t. Lán ê [CHIU-PÒ](https://drive.google.com/file/d/1yIf30MpwzKypBWc-Ntg2C4ZTMasff4GY/view?ref=tiatleng.to) kap [YouTube](https://www.youtube.com/live/OmuH5PyvgYY?si=ay57X5-C3c97tZge&t=4809&ref=tiatleng.to) ū tàu hòng-sàng chit-hāng tāi-chì pun ta̍k-ê chaiⁿ. Sui-bóng góa ê Tâi-oân-ōe kóng kah bē liàn-tńg. Chóng-sī góa khòaⁿ ê Tâi-oân Lô-má-jī chheh, sī chē-chē. Mā ū the̍h-tio̍h bē-chió gí-giân chèng-chiàu. Lán tâng-chê o̍h, tâng-chê kiâⁿ.

![](https://storage.ghost.io/c/f0/bd/f0bd98f0-b936-4488-bda5-c3bef0e5f14f/content/images/2026/04/488762227_1067270758756110_904477646664249833_n.jpg)

Tng-teh siá sek-sū lūn-bûn, ē-tàng hun-hióng hō͘ tāi-ke chaiⁿ o͘h.

P.S. Chham-ka m̄-bián la̍p-chîⁿ, chóng-sī lán tī Siōng-tè bīn-thâu-chêng, ta̍k lé-pài lóng-ū hōng-hiàn ê sî-ki. Nā m̄-bat hōng-hiàn ê ì-gī. Chhiáⁿ mài bián-kióng tō-sī!