KOHIÔNG

IÂMTIÂᴺ KÀUHŌE “PAKHEKLÉ THOÂNKHÈ” 4 GOE̍H 29 KHÍKÓ͘

Chit-hō thoân-thé, khiā tī Tâi-oân Lô-má-jī, Pe̍h-ōe-jī chò chú-thé. Ǹg-bāng thàu-kòe Chú ê sìn-gióng kap tāi-ke ê saⁿ-thiàⁿ. Kā Siōng-tè tī 160 tang chêng só͘ siúⁿ-sù lán ê bûn-jī, chi̍t-jī chi̍t-jī kā khioh tò-tńg-lâi.

TIATLÊNG

TIATLÊNG

— 4 min read
IÂMTIÂᴺ KÀUHŌE “PAKHEKLÉ THOÂNKHÈ” 4 GOE̍H 29 KHÍKÓ͘
90 nî-tāi TÂI-OÂN KÀU-HŌE KONG-PÒ ê PĒ-BÚ-ŌE CHOAN-NÔA.
audio-thumbnail
IF YOU ARE A 🐃 FEEL FREE TO LISTEN TO ME READ IT.
0:00
/228.864

4 goe̍h 29, tī Táⁿ-káu IÂM-TIÂᴺ KÀU-HŌE beh khí chi̍t-ê sin koh to̍k-li̍p ê thoân-khè. Lán kā hō-chò PA-KHEK-LÉ THOÂN-KHÈ. Chit-hō thoân-thé, khiā tī Tâi-oân Lô-má-jī, Pe̍h-ōe-jī chò chú-thé. Ǹg-bāng thàu-kòe Chú ê sìn-gióng kap tāi-ke ê saⁿ-thiàⁿ. Kā Siōng-tè tī 160 tang chêng só͘ siúⁿ-sù lán ê bûn-jī, chi̍t-jī chi̍t-jī kā khioh tò-tńg-lâi.

Ta̍k lé-pài 3 àm-sî 6 tiám kàu 7 tiám-pòaⁿ. Lán lóng tī chia khioh-jī.

Siōng-tè siúⁿ-sù lán ê jī, m̄-nā Tâi-gí, Seediq mā ū o͘h.

THOÂN-KHÈ SIĀU-KÀI
Chú sù hō͘ lán ê jī, lán m̄-thang pàng-bē-kì. Chú kā lán kà ê jī, lán m̄-thang tàn-hì-sak. "TAᴺ TIO̍H KÍN-KÍN PHÓ͘-KIP LÔ-MÁ-JĪ!!" sī Chhòa Pôe-hóe tī 1925 ê chú-tiuⁿ. Pa Bo̍k-su pān pò-chóa "TÂI-OÂN HÚ-SIÂᴺ KÀU-HŌE-PÒ." Ēng chāi-tē lâng ê gí-giân ìn pò-chóa, pò siau-sit. Tō-sī ǹg-bāng tāi-ke lóng kóaⁿ-kín bat tō-lí, bat tì-sek. Chit-hō jī kiâⁿ-kòe Chheng, Ji̍t, Tiong, saⁿ-ê sî-tāi. Tú-tio̍h nn̄g-pái ê "KOK-GÍ CHÈNG-CHHEK" lâi sok-pa̍k.

Góa tha̍k SÌN-TÔ͘ LŪI-HÊNG.

Kám-siā chú ê thiàⁿ bô soah. Kàu taⁿ, 2026 iáu koh ū bē-chió lâng teh siá chit-hō jī.

Chí-mōe Hiaⁿ-tī ah! Hiān-chhú-sî, tō-sī kā jī khioh tò-tńg-lâi ê sî-chūn ah! Lán tō ùi Tâi-oân Lô-má-jī chò-hóe jīn-bat Siōng-tè ê tō-lí. Siá-jī kau-liû, siá-jī saⁿ-thiàⁿ.

Kàu-hōe gōa ê bîn-chiòng lóng teh o̍h ah. Lán Ki-tok-tô͘ tō koh-khah ài lâi jīn-chin o̍h.

CHU-SÌN

  • 🗓️ TANG-SÎ: 2026 4 goe̍h 29 (pài 3)
  • 🕕 SÎ-KAN: Àm-sî-á 6 tiám kàu 7 tiám-pòaⁿ
  • ⛪️ SÓ͘-CHĀI: Lōa-lâm-ke 53 hoan 5 lâu
Kám chin-chiàⁿ ū lâng teh siá chit-hō jī? Ná-ē bô!

CHHÒNG-SIÁᴺ

  • 18:00-18:30: chia̍h-àm, khai-káng, sio-tán
  • 18:30-18:45: kî-tó, chhiùⁿ Sèng-si
  • 18:45-18:50: tha̍k Sèng-keng ā Kong-pò
  • 18:50-19:15: keng-chat thó-lūn
  • 19:15-19:25: o̍h bat-jī
  • 19:25-19:27: hōng-hiàn
  • 19:27-19:30: kî-tó, sì-sòaⁿ

ÁN-NÁ CHHAM-KA

  • ☎️ 561-1315 (chhōe Bûn-lêng)
  • 📧 tiatleng@icloud.com
  • 📥 Instagram: @tiatleng

1965, P.K.U. kap LIO̍K-KONG ŪN-TŌNG KOA.

Tē 1 ūn-tōng sī “Bat-jī”, Ài lán lóng bat “Pe̍h-ōe-jī.” - N̂g Bú-tong

CHÚ-KÁNG

Lokah ta kwara! Phìn-ôn, pêng-an. Sī góa TIATLÊNG (a.k.a. Sangas) pún-lâng. Tī kin-nî 3 goe̍h 15 Chú-ji̍t. Lán ê CHIU-PÒ kap YouTube ū tàu hòng-sàng chit-hāng tāi-chì pun ta̍k-ê chaiⁿ. Sui-bóng góa ê Tâi-oân-ōe kóng kah bē liàn-tńg. Chóng-sī góa khòaⁿ ê Tâi-oân Lô-má-jī chheh, sī chē-chē. Mā ū the̍h-tio̍h bē-chió gí-giân chèng-chiàu. Lán tâng-chê o̍h, tâng-chê kiâⁿ.

Tng-teh siá sek-sū lūn-bûn, ē-tàng hun-hióng hō͘ tāi-ke chaiⁿ o͘h.

P.S. Chham-ka m̄-bián la̍p-chîⁿ, chóng-sī lán tī Siōng-tè bīn-thâu-chêng, ta̍k lé-pài lóng-ū hōng-hiàn ê sî-ki. Nā m̄-bat hōng-hiàn ê ì-gī. Chhiáⁿ mài bián-kióng tō-sī!

Read more