HÎBAH CHÒ Ê MĪ

Tha̍k Sêngtāi sî, chin bô kahì tī Io̍klo̍kke a̍hsī ha̍khāu hùkīn chia̍h mi̍hkiāⁿ, sīmchì koh kā chia̍h tàu chia̍h àm ê sîkan thêchá chi̍t tiámcheng, ánne tō ēsái pībián pâitūi. Ū chi̍t pái tō hō͘ góa ìgōa chhōetio̍h bô sáⁿ lâng ê tiàm "Siótanghn̂g".

In ê khăngpáng siá "Hîbīpn̄g", khòaⁿ bô siáⁿ ū, sī chi̍t keng èngkai Ji̍tpún sîtāi khí ê chng'á'chhù. Tiàm nih kantaⁿ saⁿ ê toh. Suibóng piah tah Kitokkàu ê chhun'á, koh tī Tangmn̂g Pakheklé Kàuhōe tùibīn, m̄ koh thâuke m̄ sī hōeiú, i kanna mā tiāⁿtiāⁿ hō͘ lâng mn̄g.

Tāipō͘hūn lângkheh lóng ū nîhòe ê, tòa hūkīn ê. Lâi bé mā lóng sī pau piāntong chia̍h. M̄koh kîsi̍t in mā ū teh bē chi̍tkóa'á ū ê bô ê. Moâiⁿ lah, ìmī lah, chúikiáu lah, kantaⁿ nn̄g ê pe̍h thâuchang ê thâuke, ēsái chò hiah chē chhài, bô kantan.

Siōng chhùbī ê tō sī "Hîmī."

Thiaⁿkóng Húsiâⁿ ū kúi'á'keng tiàm teh bē chitchióng "Hîmī". Siáⁿmih sī Hîmī? Tō sī mī púnsin tō sī hîbah chò ê, bēsu Ji̍tpún bàngkah "Tionghôa Ithoan" mā ū ánne ê liāulí. Góa khòaⁿ thâuke sī góa chùbûn liáu, i the̍h chi̍t ê tiáⁿ chhutlâi, bô tiāⁿtio̍h sī hîchiuⁿ, kā i seⁿ chò mī ê khoánsit, lo̍hkhì sa̍h. Chúhó, lām chi̍tkóa ùnliāu, khàm chhài tī téngbīn tō chiūⁿtoh. Taⁿ ê $75 chi̍t óaⁿ, chin sèóaⁿ, m̄ koh bēbái chia̍h, m̄sī tāng kháubī ê. Chóng'sī góa nā ū êng tńg'khì, èngkai ē siūⁿbeh koh chia̍h chi̍tpái.

SIÓTANGHN̂G TIÁMSIM TIÀM

• Chūchí: Tangmn̂g Lō͘ Chi̍t Tōaⁿ 152 Hō
• Tiānōe: (06) 237 9373