Hamáseng ê gōakoklâng bōng

Chìnchêng tòa tī Kohiông Hamáseng kui'á tang, 2014 tú kàu ê sî, tō thiaⁿ kóng chia  ū gōakoklâng ê bōngápo͘, se̍h lâi se̍h khì chhōe bô, chòeāu se̍ksāi ê pêngiú tō chhōa góa peh khiā, mā bô gōa koân, kîsi̍t tōsī itpoaⁿ ê hāng'á lāi, tī chng'á chhù ê piⁿ'á, chiū khòaⁿ'tio̍h, 2, 3 ê bōng tī hia.

Kiâⁿ tē 1 tiâu hāng'á ū 2, 3 ê, koh chài peh khah koân ê 1 tiâu hāng'á, khòaⁿ'tio̍h siōng oânchéng ê, tōsī chit ê "William Hopkins" ê bōng, Ireland lâi'ê, inūi sutongsî beh ji̍plâi Tákáu káng, m̄koh chûn chhuttāichì, chìmchúi, āulâi chûnténg ê lâng lóng sí'khì.

I ê bōng, chitmá piⁿ'á sī sésaⁿki kap pùnsò tē'á, mā ū hùkīn ê lâng ē tī chia pha̍ksaⁿ, ū 1 pài lâi khòaⁿ ê sî, kèpiah chhù ê a'î kiâⁿ chhutlâi kā góa kóng, "lí siūⁿbeh chaiiáⁿ che hoⁿh?" tō ùi chhùlāi the̍h 1 tiuⁿ pòchóa hō͘ góa hip, tāikhài sī 2000 nî chóiū, ū ha̍kchiá lâi giánkiù sî chò ê tiâucha, hō͘ sinbûn khan'chhutlâi.

Kámkak khah khósioh ê, tōsī, tēhng chènghú, chaiiáⁿ Hamáseng tī Ji̍tpún Sîtāi sī chin tiōngiàu ê só͘chāi, khaisí póchûn, koh kā chia ê soaⁿkhiā piànchò le̍ksú hn̂gkhu, m̄koh soah bô lâi póhō͘ chit tè pí Ji̍tpún Sîtāi koh khah chá ê bōng. Tongjiân, che mā bē siá tī lúiû ê chheh lāité.