"SÈKÍBÓE" (FIN DE SIGLO)
Kò͘sū teh kóng chi̍t ê ùi Argentina kàu Barcelona chhitthô ê chapo͘, hōchò Ocho, khì tútio̍h Berlin lâng, Javi.
Téng lépài chhiau tio̍h chi̍t chhut tiāniáⁿ, ji̍h khui hoatkián m̄sī Enggí (English), sī Sepangâgí (Español). Mā bô siūⁿ chiokchē, tō tī chi̍t ê ū ji̍tthâu ê epo͘, the tī bînchhn̂g téng kā i khòaⁿliáu ah.
Nā khòaⁿ bô ēsái chhōe ū kòa Engbûn ê "End of the Century".
Chit chhut hōchò "Sèkíbóe" (Fin de siglo), sī Lucio Castro tī 2019 kongkhai ê tiāniáⁿ. Kò͘sū teh kóng chi̍t ê ùi Argentina kàu Barcelona chhitthô ê chapo͘, hōchò Ocho, khì tútio̍h Berlin lâng, Javi. In nn̄glâng chiâⁿkín tō chò bînchhn̂gténg ê tāichì ah. M̄koh liáuāu soah hoatkián kîsi̍t 20 tang chêng, 1999, in kîsi̍t bat kìⁿbīn se̍ksāi. M̄koh sutongsî nn̄glâng pēngbô piáuta̍t katī ê simsiaⁿ.
Hìchhut tiong chiok tiōngiàu ê chi̍tkhek, kiàngī khòaⁿliáu chiah thiaⁿ.
Ū kóng góa khòaⁿ ê sî bô jībō͘, ēng kantaⁿ 1 tang Español ê lêngle̍k thiaⁿ khòaⁿmāi. Góa tāikhài khòaⁿ ē chhutlâi in bat se̍ksāi kòe, m̄koh inūi bô piàn gōa lāu, siūⁿbēkàu sī 20 tang hiah kú. Liáuāu tō khì YouTube chhōe chi̍tkhoa'á lâng ka ê iáⁿphìⁿ chiah liáukái teh kóng siáⁿmi̍h kò͘sū.
But I also really enjoy being by myself. Not depending on anyone. Not take care of anyone. Doing whatever you want all the time. Don't you miss being alone? – Ocho
Ocho tī hì lāité bat ánni kóng. Góa mā bat kā lâng ánni kóng.
IMDb tāikhài 6.8 hun chhuichiàn.
Tùi chit chhut teh siūⁿ lâng kap lâng ê koanhē, phìjū kóng lâmlú pêngiú ê koanhē, kiathun ê koanhē, koh ū khaihòngsek (Open Relationship) ê koanhē. Lâng kap lâng tàutīn sio ìài, kám ū suiàu chi̍t ê "miâ" āsī "tēnggī" lâi chiâⁿchò chi̍tthé. Kám m̄sī tī nn̄glâng chòhóe ê sîchūn hō͘siong saⁿthiàⁿ tō hó?