> ## Content Index
> Fetch the complete content index at: https://tiatleng.to/llms.txt
> Use this file to discover other available public pages before exploring further.

# "EUPHORIA" KAP Z SÈTĀI TEH CHHIAUCHHŌE SÌNGIÓNG Ê KOANHĒ
- URL: https://tiatleng.to/euphoria-kap-z-se-tai-teh-chhiau-chhoe-sin-giong-e-koan-he/
- Published: 2026-06-01T13:00:00.000Z
- Updated: 2026-07-08T13:24:13.000Z
- Description: Hiān-chhú-sî sī HBO MAX siōng-chē lâng khòaⁿ ê hì Euphoria, kap Z sè-tāi teh chhiau-chhōe sìn-gióng ū sím-mi̍h koan-hē teh?!
- Author: TIATLÊNG
- Tags: BÍKOK, HÌCHHUT

![audio-thumbnail](https://storage.ghost.io/c/f0/bd/f0bd98f0-b936-4488-bda5-c3bef0e5f14f/content/media/2026/06/euphoria-1_thumb.jpeg)

IF YOU ARE A 🐃 FEEL FREE TO LISTEN TO ME READ IT.

0:00

/252.864

1×

Kin-á-ji̍t 5 goe̍h 31 (Bí-kok sî-kan), Tiān-sī-kio̍k "[euphoria](https://www.imdb.com/title/tt8772296/?ref=tiatleng.to)" ngiâ-chih i ê siōng-bóe chi̍t-chi̍p, hō-miâ "[In God We Trust](https://en.wikipedia.org/wiki/In%5FGod%5FWe%5FTrust?ref=tiatleng.to)" (Goán Sìn Siōng-tè). Chit-chhut hì teh kóng chia̍h-to̍k. Hiān-chhú-sî sī HBO MAX [siōng-chē lâng khòaⁿ ê hì](https://www.facebook.com/share/p/18dsU2nKAu/), tī [X](https://x.com/usweekly/status/2051032813999153466?ref=tiatleng.to) siōng-chē lâng thó-lūn ê chú-tê!

Chit chhut-hì teh kóng chin-chē siā-hōe o͘-àm ê tāi-chì.

[Euphoria](https://en.wikipedia.org/wiki/Euphoria%5F%28American%5FTV%5Fseries%29?ref=tiatleng.to) teh kóng Bí-kok Ka-chiu ko-tiong ha̍k-seng-á chia̍h-to̍k, sio-phah, sèng-seng-oa̍h, chē-chē o͘-àm ê kò͘-sū. Hoān-sè kio̍k-pún siá kah ha̍h [Z sè-tāi](https://medium.com/@heavyhandedpoetry/why-do-i-love-euphoria-as-a-gen-z-3007fc6f3cdd?ref=tiatleng.to) ê kháu-bī, ōe-bīn mā hip kah ū 90 nî-tāi (hiān-chhú-sî tng sî-kiâⁿ) ê khì-hun. Bāng-lō͘ téng tāi-ke lóng o-ló kah ē tak-chi̍h.

> [pic.twitter.com/nOUGgatPz9](https://t.co/nOUGgatPz9?ref=tiatleng.to)
> 
> — euphoria (@euphoriaHBO) [May 18, 2026](https://x.com/euphoriaHBO/status/2056192887692369974?ref%5Fsrc=twsrc%5Etfw&ref=tiatleng.to)

Tē 6 chi̍p siōng-bóe: Chhì-phè hō͘ hé sio.

> "khòaⁿ ah, chhì-phè hō͘ hé sio, chhì-phè iā bô to̍h-khì." – [CHHUT-AI-KIP-KÌ](https://www.sl-pc.org.tw/bible/3/EXO/3?ref=tiatleng.to) III:2

Pún-chiâⁿ chit-chhut hoān-sè sī [bô hoat-tō͘ the̍h chhut-lâi khǹg-sè ê](https://www.premiernexgen.com/popular-culture/christian-parents-dont-let-your-teens-watch-euphoria-season-3-but-do-be-ready-to-talk-about-it/21318.article?ref=tiatleng.to). In-ūi siuⁿ-kòe pō͘-le̍k kap chân-jím. M̄-kú teh-kóng lâng ê io̍k-bōng ê hì, ná-ē hiông-hiông piàn-chò soan-kàu-phìⁿ? Tō bat-ū lâng tī Bí-kok siā-thoân [Reddit](https://www.reddit.com/r/euphoria/comments/1tadxum/why%5Fis%5Feuphoria%5Fweirdly%5Freligious%5Fnow/?show=original&ref=tiatleng.to) án-ni mn̄g. Tio̍h, tē 3 kùi kap kiat-kio̍k, ū móa-móa ê Ki-tok goân-sò͘ chhàng tī lāi-té.

> [Why is Euphoria weirdly religious now??](https://www.reddit.com/r/euphoria/comments/1tadxum/why%5Fis%5Feuphoria%5Fweirdly%5Freligious%5Fnow/?ref=tiatleng.to)  
> by [u/BluFoods](https://www.reddit.com/user/BluFoods/?ref=tiatleng.to) in [euphoria](https://www.reddit.com/r/euphoria/?ref=tiatleng.to) 

Tāi-ke teh mn̄g, ná-ē hiông-hiông teh kóng chong-kàu.

Tha̍k-keng chió-chió ê góa. Khòaⁿ-che hō͘ hóe sio ê chhiū-á, tō chaiⁿ teh kóng Mô-se ǹg-bāng kìⁿ Siōng-tè ê kò͘-sū. M̄-kú tú ū lâng kā iáⁿ-phìⁿ khǹg-kah [X](https://x.com/euphoriaHBO/status/2056192887692369974?ref=tiatleng.to), [Threads](https://www.threads.com/@digital%5Fjunkie/post/DYdpTHIgBWr?ref=tiatleng.to) sî, góa sī chin chhù-bī khòaⁿ ē-kha lâu-ōe, hiah-chē se-iûⁿ-lâng mā kap góa sio-siāng, bô teh tha̍k-keng ê.

[‘Euphoria’ Makeup Artist Donni Davy Brings Her Brand Half Magic Beauty to LifeEmmy-winning makeup artist Donni Davy is giving fans the chance to recreate some of her imaginative ‘Euphoria’ beauty looks thanks to her new brand, Half Magic![](https://storage.ghost.io/c/f0/bd/f0bd98f0-b936-4488-bda5-c3bef0e5f14f/content/images/icon/cropped-graziaUSAsiteicon-270x270-ae2ed985cf9be547b3575182f292e2f35c62b88ad14c56220b26ffc62478d237.jpg)Grazia USAHannah Militano![](https://storage.ghost.io/c/f0/bd/f0bd98f0-b936-4488-bda5-c3bef0e5f14f/content/images/thumbnail/barbie-ferreira_1-e1652982720845-a967906ed4b7a60680e5797d8626d05915808897de36c574c722a1c3c2e5f5e4.jpg)](https://graziamagazine.com/us/articles/euphoria-makeup-artist-doniella-davy-half-magic/?ref=tiatleng.to)

Chi̍t-chhut-hì chiâⁿ chi̍t-ê se-chng pâi-chú.

Beh kóng euphoria (sóng kah beh sí), tō tāi-seng ài hō͘ ta̍k-ê chai, chit-chhut tī tē 2 kùi, kan-taⁿ tī Bí-kok tō bat-ū pêng-kun 1 chi̍p 16,300,000 lâng teh khòaⁿ. Sī [HBO](https://variety.com/2022/tv/news/euphoria-season-2-finale-ratings-1235192015/?ref=tiatleng.to) chit-tâi tē 2 chē lâng khòaⁿ ê. In ê koan-chiòng tāi-to-sò͘ sī tùi Z Sè-tāi (Gen Z) lâi-ê.

Tō liân siōng-bóe chi̍t-khek mā-sī: Ǹg Iâ-lō͘-sat-léng ê Lō͘. 

Sīm-chì in-ūi lāi-té siàu-liân-á se-chng ū-kàu te̍k-pia̍t, #euphoriamakeup chit-ê chú-tê tī [TikTok](https://www.glossy.co/beauty/glossy-pop-newsletter-donni-davy-changed-makeup-and-with-half-magic-the-euphoria-look-is-here-to-stay/?ref=tiatleng.to) bat chhiau-kòe 20 ek lâng khòaⁿ-kòe. 2022 tùi chit-chhut hì chhóng-li̍p se-chng pâi-chú "[HALF MAGIC](https://wwd.com/fashion-news/fashion-scoops/donni-davy-half-magic-beauty-brand-euphoria-details-1235078910/?ref=tiatleng.to)."

Z sè-tāi pí sī-tōa-lâng koh-khah tùi sìn-gióng ū kám-kak.

> Data shows Gen Z believe in a higher power more than any other generation – [Sky News](https://news.sky.com/story/how-did-gen-z-become-the-most-religious-generation-alive-13492027?ref=tiatleng.to)

Chòe-kūn, bē-chió [gián-kiù](https://news.northeastern.edu/2025/06/10/gen-z-religion-trend/?ref=tiatleng.to) kap [sin-bûn](https://www.washingtonpost.com/style/trends/2026/04/02/catholicism-gen-z/?ref=tiatleng.to) [mûi-thé](https://www.instagram.com/p/DWpWfttjWyL/?ref=tiatleng.to), sīm-chì ha̍k-su̍t-kài. Lóng teh hun-hióng, **Z sè-tāi, chit-má ê siàu-liân-lâng. Pí téng chi̍t-iân ê ā-sī koh-khah tōa-ê lâng koh-khah su-iàu chong-kàu sìn-gióng.** Góa kám-kak chit-ê chōng-hóng, m̄-nā tī Se-iûⁿ kok-ka. Tâi-oân mā-sī. Kin-nî Pe̍h-soa-tun-má Chìn-hiuⁿ chhiau-kòe 48 bān lâng pò-miâ. [NYTimes](https://www.nytimes.com/2024/05/03/world/asia/taiwan-religion-mazu-pilgrimage.html?ref=tiatleng.to), [Bîn-sī](https://www.youtube.com/watch?v=bwRcnU912FE&ref=tiatleng.to), BBC lóng bat pò ná-ē jú-lâi-jú-chē siàu-liân-á chham-ka?

20 chhut-thâu ê siàu-liân-pōe, hoaⁿ-hí chham-ka biō-hōe.

Góa ēng chit-chhut hì [euphoria](https://www.forbes.com/sites/sabrinareed/2026/04/12/euphoria-season-3-tests-rues-faith-in-god/?ref=tiatleng.to) kap hiān-chhú-sî ê siā-hōe hiān-hóng saⁿ liân-kiat. In-ūi sū-si̍t tō tī lán ê gán-chêng. M̄-kú, Tâi-oân Ki-tok Tiúⁿ-ló Kàu-hōe kám-ū thàn chit-ê sî-kan-tiám lâi kiám-thó, kái-piàn, [bīn-tùi sin sè-tāi ê ī-siōng](https://www.newm.app/blog/z-835886a5-79bd-4924-a6dc-6ce98b1bc8d2?ref=tiatleng.to) (Tiong-gí) teh? 

Z sè-tāi tò-tńg-lâi chhiau-chhōe sìn-gióng.

[TKC (Tiúⁿ-ló Kàu-hōe Chheng-liân) lóng cháu-khí tá-lo̍h?](https://www.youtube.com/watch?v=0VX-1VCv4rs&ref=tiatleng.to) (Tiong-gí iáⁿ-phìⁿ) Tng [Se-iûⁿ gín-ná kiâⁿ tńg-khì kàu-hōe](https://www.youtube.com/watch?v=qO6zTWEjdYc&ref=tiatleng.to) chò lé-pài. Lán Tâi-oân-lâng, Formosan ê āu chi̍t-tāi, kám-ū lâng kap in saⁿ-chò-hóe, jīn-bat tō-lí, óa-khò Siōng-tè teh! Euphoria hō͘ lán chaiⁿ, [tō-ián](https://www.instagram.com/p/DZBpv6ZAPyD/?ref=tiatleng.to), kio̍k-pún, tō teh siâⁿ Z sè-tāi ài bat tō-lí.

[Impact (@impact) on Threadsangus cloud, who played fez on hbo’s “euphoria,” is dead at age 25\. 💔🕊![](https://static.ghost.org/v5.0.0/images/link-icon.svg)Threads![](https://storage.ghost.io/c/f0/bd/f0bd98f0-b936-4488-bda5-c3bef0e5f14f/content/images/thumbnail/625018425_18102142663828845_4945103257775049509_n-9fde7ace1237f80b041b41c5aefe3db5238a49ba2b7d8d40b68da1335c8a8028.jpg)](https://www.threads.com/@impact/post/CvYOHILPNYr?ref=tiatleng.to)

Poaⁿ bē-to̍k ê, chin-chiàⁿ chia̍h-to̍k sí-khì.

Te̍k-pia̍t sī tī chit 8 tang ê sî-kan, lāi-té ū chi̍t-ê kak-sek Fez ([Angus Cloud](https://people.com/what-angus-cloud-euphoria-costars-have-said-about-him-in-year-since-his-death-8686859?ref=tiatleng.to)). Tō tī 2023 ta̍k-ê tng-teh siáu chit-chhut hì ê sî, [chia̍h-to̍k kòe-óng ê](https://www.youtube.com/watch?v=%5FW0XFKeFE1A&ref=tiatleng.to). 25 hòe. 2026 tē 3 kùi ū [bē-chió kiàⁿ-thâu](https://www.hollywoodreporter.com/tv/tv-news/euphoria-season-3-finale-features-angus-cloud-1236610057/?ref=tiatleng.to), teh kā i kì-liām. Chit-chhut hì siōng-bóe ēng Amen chò siu-soah. M̄-chai si̍t-chè ê Z sè-tāi án-ná siūⁿ teh?

※ Chit-phiⁿ ū kái-siá ìn tī "[TÂI-OÂN KÀU-HŌE KONG-PÒ](https://tcnn.org.tw/archives/279888?ref=tiatleng.to)" tē 3880 kî.