> ## Content Index
> Fetch the complete content index at: https://tiatleng.to/llms.txt
> Use this file to discover other available public pages before exploring further.

# BÚ'Á TŃGLÂI AH! MĀTÁᴺNAH SINPÔAᴺ "KÒPE̍K II"
- URL: https://tiatleng.to/bu-a-tng-lai-ah-ma-ta-nah-sin-poan-ko-pek-ii/
- Published: 2026-07-03T17:52:37.000Z
- Updated: 2026-07-04T12:04:22.000Z
- Description: MĀ-TÁᴺ-NAH (Madonna) sin-ê khek-pôaⁿ hō͘ góa siūⁿ-tio̍h A-pâ.
- Author: TIATLÊNG
- Tags: KOA, BÍKOK

![audio-thumbnail](https://storage.ghost.io/c/f0/bd/f0bd98f0-b936-4488-bda5-c3bef0e5f14f/content/media/2026/07/Linhai-2nd-Rd-Ln-56_thumb.jpeg)

IF YOU ARE A 🐃 FEEL FREE TO LISTEN TO ME READ IT.

0:00

/315.11333333333334

1×

Nā-kóng koa-iâu ōe kā lâng éng-hióng, Mā-táⁿ-nah (Madonna) tiāⁿ-tio̍h ū kái-piàn góa [náu-kun](https://www.newneuromarketing.com/rocking-your-brand-how-music-can-influence-brand-perception?ref=tiatleng.to) ê sòaⁿ-lō͘. 7 goe̍h chhe 3, i ê tē 15 tiuⁿ khek-pôaⁿ "[KÒ-PE̍K II](https://pitchfork.com/reviews/albums/madonna-confessions-ii/?ref=tiatleng.to)" (CONFESSIONS II) tī choân-kiû hòng-sàng ah! Hoān-sè [chin-chē chheng-liân tùi i bô kám-kak](https://youtu.be/V%5F2V9Oni2Lk?si=jlsyy3d-kLxzgnRa&t=37&ref=tiatleng.to) ah. M̄-kú góa sǹg-sī tòe i tōa-hàn bô-m̄-tio̍h.

Siōng kah-ì tī piàn-sò͘ hoah: Só͘-ū lâng tī chia lóng-sī gē-su̍t ê chi̍t pō͘-hūn.

Chū-sè-hàn goán pâ tō gâu kóng Eng-gí, te̍k-pia̍t sī i teh sái kheh-thêng-á sî. Kì-tî lāi, i lóng te̍k-pia̍t kah-ì kā se-iûⁿ-lâng tàu-saⁿ-kāng pò-lō͘. M̄-kú, i bē-hiáu siá, sńg chheⁿ-mê-gû. I sī chi̍t-ē tùi Hoa-lông bô chhut-gia̍p, tī 90 nî-tāi tòe"[HIÒNG-CHIÂN-KIÂᴺ](https://www.youtube.com/watch?v=gD14iiXq7Xw&ref=tiatleng.to)" khì-kàu Tâi-pak ê hit-chióng gōng-lâng. Chóng-sī, i ōe tī chhia-lāi pàng Mā-táⁿ-nah ê koa hō͘ goán thiaⁿ.

Tē 14 khek, Mā-táⁿ-nah ê 'KIÂᴺ-LÉ.' (Take a Bow)

Ìn-siōng siōng-chhim ê, sī 2002 ê chhiùn-phìⁿ "[THIÀᴺ-THÀNG Ê KHÙI-LA̍T](https://www.discogs.com/release/35282071-Various-The-Power-Of-Love?srsltid=AfmBOop3tqqByCldB-5M-Ve4sI-sR1ZokdfO8q4z0OoUUos2SOv3rCi0&ref=tiatleng.to)" (The Power of Love), hit-sî A-pâ kian-chhî sái-chhia chài goa kap a-bú sì-kè khì choân Tâi-oân sô, bô-ài chē hóe-chhia. Lán hit-sî kiò chit-chióng kā bô-kâng lâng ê koa khǹg chò-hóe ê, hō-chò [Tōa Pó͘-thiap](https://zh.wikipedia.org/zh-tw/%E5%A4%A7%E8%A3%9C%E5%B8%96%5F%28%E9%9B%BB%E8%85%A6%E8%A1%93%E8%AA%9E%29?ref=tiatleng.to). (Hoān-sè sī Tiong-gí) Chhia-téng, khǹg khek-pôaⁿ ê só͘-chāi tī í-á ē-bīn ā-sī chhia [āu-táu](https://www.reddit.com/r/GenX/comments/12azyxk/you%5Fwerent%5Fa%5Freal%5Fballer%5Fin%5Fthe%5F90s%5Funless%5Fyou/?ref=tiatleng.to) (Under-seat car CD players), si̍t-chāi chiok bô lī-piān hoⁿh?

![](https://storage.ghost.io/c/f0/bd/f0bd98f0-b936-4488-bda5-c3bef0e5f14f/content/images/2026/07/R-35282071-1759651822-8032.jpg)

Chóaⁿ-iūⁿ a-pah hiah kah-ì se-iûⁿ-koa?

Goán pâ cháu ê sî, choan-chi̍p bô-khì. M̄-kú kheh-á iáu koh tī tû-á-téng. Góa tùi Yahoo! hoah-bē pio-tio̍h chit-tiûⁿ, ū chi̍t-tang sàng hō͘ thiàⁿ goán a-pah ê a-bú chò seⁿ-ji̍t lé-mi̍h. Sui-bóng kàu-táⁿ iáu m̄-chai i tùi che kám-ū kám-kak bô?

[Madonna surprises Coachella by joining Sabrina Carpenter on stageThe Queen of Pop makes a guest appearance during the Espresso singer’s headline set.![](https://storage.ghost.io/c/f0/bd/f0bd98f0-b936-4488-bda5-c3bef0e5f14f/content/images/icon/favicon-32x32-de125b9f-9a2b-4ed4-8c36-89c8093640e2.png)BBC NewsAndre Rhoden-Paul![](https://storage.ghost.io/c/f0/bd/f0bd98f0-b936-4488-bda5-c3bef0e5f14f/content/images/thumbnail/f8d1c890-3b26-11f1-879d-1b2f5c3919b8-2c9823ed-907c-42c3-9db0-d8fefee1aa76.jpg)](https://www.bbc.com/news/articles/c77my6gnpy4o?ref=tiatleng.to)

4 goe̍h tō khai-sí soan-thoân sin-koa ah!

Kàu-taⁿ hoat-kiàn Suh-phó͘-thī-hoaih ([Spotify](https://open.spotify.com/playlist/1k7X1tYWxFaLDRzEdrZ5Ic?ref=tiatleng.to)) kèng-jiân ū siu! Pòaⁿ-mî-á thiaⁿ, chin-chiàⁿ chiok siàu-liām. Sè-hàn sî góa kap Pâ siāng-khoán, ē-hiáu chhiùⁿ, m̄-kú m̄-chai he koa-sû sím-mi̍h ì-sù. Chit-tiuⁿ lāi-té, siu Mā-táⁿ-nah ê khek hō-chò '[KIÂᴺ-LÉ](https://www.youtube.com/watch?v=XDeiovnCv1o&ref=tiatleng.to).' (TAKE A BOW)

Tùi 2012 góa khai-sí ta̍k-tang khòaⁿ "TŌA ÓAᴺ-KONG."

Tōa-hàn liáu, chhut siā-hōe chia̍h thâu-lō͘. Bat-ū chi̍t-ê khoeh, kài sang. Tī siōng-pan sî góa chò "thau-the̍h sin-súi ê chha̍t-á" tòe-tio̍h Bí-kok sî-kan khòaⁿ 2012 Mā-táⁿ-nah tī Bí-kok Kha-kiû "[TŌA ÓAᴺ-KONG](https://www.youtube.com/watch?v=v7tKO84APNo&ref=tiatleng.to)" ê piáu-ián. Chit-tiûⁿ thiaⁿ-kóng sī le̍k-sú siōng, [khai siōng-chē chîⁿ ê](https://www.aol.com/sports/most-expensive-halftime-performances-super-145443198.html?ref=tiatleng.to) chi̍t-pái "[Téng-ē-tiûⁿ Hioh-khùn Piáu-ián](https://en.wikipedia.org/wiki/List%5Fof%5FSuper%5FBowl%5Fhalftime%5Fshows?ref=tiatleng.to)." (HALFTIME SHOW) Heⁿh, hit-sî i chhut ê chhiùⁿ-phìⁿ hō-chò "[KÒ-PE̍K](https://en.wikipedia.org/wiki/Confessions%5Fon%5Fa%5FDance%5FFloor?ref=tiatleng.to)," 2026 ê chit-má lán tán-tio̍h "[KÒ-PE̍K II](https://en.wikipedia.org/wiki/Confessions%5FII?ref=tiatleng.to)" ah!

Káⁿ-ná, chi̍t-kóa ta-po kah-ì ta-po ê lâng, in kám-kak i chun-kèng ê koa-chhiú m̄-sī Mā-táⁿ-nah, hoān-sè sī [Gá-gah Hu-jîn](https://www.npr.org/2019/01/30/687683804/lady-gaga-born-this-way-lgbt-american-anthem?ref=tiatleng.to) (Lady gaga), [Khai-lih Mí-noh](https://www.billboard.com/culture/pride/kylie-minogue-songs-lgbt-gay-pride-playlist-8462202/?ref=tiatleng.to) (Kylie Minogue), [Pu-lín-thoh-nih](https://www.billboard.com/culture/pride/britney-spears-songs-lgbt-gay-pride-playlist-8461973/?ref=tiatleng.to) (Britney Spears), ā-sī Mā-táⁿ-nah kán-ná beh kā i ê sū-kang kau hō͘ āu-chi̍t-tāi ê [Siat-bū-lí-nah](https://www.out.com/gay-music/sabrina-carpenter-short-n-sweet-new-music-friday?ref=tiatleng.to) (Sabrina).

Kau hō͘ āu-chi̍t-tāi.

Chóaⁿ-iūⁿ? Tī 2026 4 goe̍h 17, choân-bí ū miâ-siaⁿ ê im-ga̍k-cheh: [Khō͘-chhí-lah](https://www.bbc.com/news/articles/c77my6gnpy4o?ref=tiatleng.to) (Coachella) tō-ū [kā sî-tāi kau hō͘ āu chi̍t-ūi ê iáⁿ](https://www.vogue.com/article/madonnas-lasting-legacy?ref=tiatleng.to) tī-teh.

Siat-bū-lí-nah kám-sī āu-chi̍t-ê Mā-táⁿ-nah?

> Silence =Death! Song For World AIDS Day! – [Madonna](https://news.madonnatribe.com/en/2017/silence-death/?ref=tiatleng.to)

Bóe-á, siūⁿ-beh pun ta̍k-ê chai, Mā-táⁿ-nah ê khek-pôaⁿ "KÒ-PE̍K II" khek-pôaⁿ ê siōng, tāi-piáu Bí-kok Sio̍k-gí: "[LÍ NĀ BÔ CHHUT-SIAᴺ pêⁿ-pêⁿ tō-sī SÍ](https://en.wikipedia.org/wiki/Silence%3DDeath%5FProject?ref=tiatleng.to)." ([SILENT=DEATH](https://www.facebook.com/watch/?v=10155860398349402)) Hiān-chhú-sî 67 hè ê i, iáu-teh thè jio̍k-sè hoah-siaⁿ, mā chiâⁿ-chò chi̍t-ūi ta-bó͘, hoán-khòng chit ê hō͘ ta-po͘-lâng khòng-chè ê siā-hōe. [(Kèng-jiân bô kong-si beh chhut-chîⁿ thè i hip i it-seng ê kò͘-sū ê tiān-iáⁿ](https://www.theguardian.com/film/2026/jun/23/madonna-biopic-scrapped-universal?ref=tiatleng.to)).

30 tang chêng [hō͘ Ki-tok-tô͘ phì-siūⁿ ê koa](https://www.etonline.com/like-a-prayer-30-years-later-how-the-controversial-music-video-barely-made-it-to-air-121023?ref=tiatleng.to), chit-má soah sī keng-tián.

> Life is a mystery Everyone must stand alone. – [Madonna](https://www.facebook.com/hieu.doan.7796/posts/life-is-a-mysteryeveryone-must-stand-alonelike-a-prayer-madonnathese-iconic-open/10232572046035472/)

Nā beh kóng kun-tùi Chú liáu ê kái-piàn, góa kám-kak i ê "[CHHIN-CHHIŪᴺ CHI̍T-Ê TEH KÎ-TÓ Ê LÂNG"](https://en.wikipedia.org/wiki/Like%5Fa%5FPrayer%5F%28song%29?ref=tiatleng.to) (Like a Prayer) hō͘ góa thiaⁿ kah kài kám-tōng. Tùi 1989 hòng-sàng kàu taⁿ, tùi kàu-hōe-kài kā i phì-siùⁿ kàu chit-má chiâⁿ-chò [keng-tián-khek](https://www.youtube.com/watch?v=0NWd0D1j%5FYE&ref=tiatleng.to). Che si̍t-chāi bô kán-tan. Ǹg-bāng āu-chi̍t-iân ê chí-mōe hiaⁿ-tī mā ē-tàng lâi liáu-kái i tī chhòng-chok kap siā-hōe éng-hióng ê kè-ta̍t, kap kòng-hiàn.

Tùi ī-siōng kàu phó͘-sè ê koa.

Mā kiong-hí Mā-táⁿ-nah ê "[KÒ-PE̍K II](https://www.hollywoodreporter.com/music/music-news/madonna-releases-confessions-ii-album-1236636142/?ref=tiatleng.to)" chhut chhiùⁿ-phìⁿ. AMEN.