1 min read Kohiông

A'Chì Ji̍tpún Liāulí

A'Chì Ji̍tpún Liāulí
Tiāⁿtiāⁿ bô khui ê A'Chì, mā ēsái chē gōakháu.

Suibóng hōchò Ji̍tpún Liāulí, si̍tchèsiōng sī ū Tâioân khìbī ê Ji̍tpún Liāulí, m̄nā gōakháu ê tàⁿáūi a̍hsī lāité ê îⁿtoh, liāulí ê chhiúlō͘, māsī Tâioân khoánsek ê. Chitchióng chhanchhiūⁿ katêng kenggêng ê pòaⁿ Tâi pòaⁿ Ji̍t ê tiàm, sī m̄sī júlâijú hám tī khoăiⁿ?

Nā tī Google Maps chhiauchhōe, ū chin chē kângmiâ ê, góa chia̍h ê sī Kiújû 2 Lō͘, tī Hōngbêng Tiāntâi tùibīn ê, thâuke, saihū lóng kóng Tâigí, lângkheh tiāⁿtiāⁿ chē móamóa, bô tō sī beh khui m̄ khui, beh chia̍h tō sī ài khò iânhūn lo͘h.

Chhá Ìmī, suijiân kóng engkai kiò Chá Utóng.

Tī Tâisek Ji̍tpún Liāulí Tiàm, ittēng ài tiám ê tō sī chìⁿ tāuhū, chhōe nn̄g, súsì, chìⁿ tipâi, chhá utóng. Tongjiân chi̍ttīnlâng khí chia̍h ēsái ánne chùbûn, 1 ê lâng khì, khólêng tō sī kiò 1 ê chhápn̄g ah chhábí, mā bēbái.

A'Chì m̄nā kèsiàu bē siuⁿ kùi, koh ū koklūi ê chhài thang tiám, koh ū chiú thang lim, bēsu háisántàⁿ ê kháubī, jîchhiáⁿ múi 1 hāng chiūⁿtoh lóng chiok súi ê, bē chhèngchhái chò, chin sekha̍p siochio pêngiú chòhóe chia̍h.

Tiatlêng

Tiatlêng

Hoalianlâng, tī Tâioân koktē tōahàn, 2023 tùi ēkáng kàu Tâipak tha̍k giánkiùsó͘, jīnbat Tâioânsú. Khò siájī kap pianchi̍p thànchia̍h. Hèngchhù sī tha̍kchheh, pehsoaⁿ, khí Tâioân kok chngthâu kiâⁿta̍h.
Tâipak